Oljas Qurmanbek Abaı oblysy ákimi apparaty basshysynyń orynbasary bolyp taǵaıyndaldy
SEMEI. KAZINFORM – Abaı oblysy ákimi apparaty basshysynyń orynbasary laýazymyna Oljas Qurmanbek taǵaıyndaldy.
Oljas Qurmanbekuly 1986 jyly 23 naýryzda dúnıege kelgen. 2008 jyly QazGZÝ Almaty zań akademııasynda «Quqyqtaný» mamandyǵyn, 2011 jyly Abaı atyndaǵy Qazaq ulttyq pedagogıkalyq ýnıversıtetinde «Menedjment» mamandyǵyn, 2013 jyly «Quqyqtaný» mamandyǵy boıynsha QR Prezıdentiniń janyndaǵy Memlekettik basqarý akademııasynyń magıstratýrasyn támamdaǵan. Zań ǵylymdarynyń magıstri akademııalyq dárejesi bar. Frantsııanyń Parıj qalasynda taǵylymdamadan ótken.
Eńbek jolyn 2008 jyly QR Básekelestikti qorǵaý agenttiginiń is júrgizý jónindegi ınspektory bolyp bastaǵan. Astana qalasynda QR Ulttyq ǵarysh agenttigi zań basqarmasynyń sarapshysy jáne bas sarapshysy bolyp jumys istedi.
Ár jyldary «Samuryq-Qazyna ulttyq ál-aýqat qory» AQ-da túrli laýazymdarda eńbek etti. 2021-2022 jyldary Almaty qalasy ákimi apparaty biryńǵaı personaldy damytý qyzmetiniń bas ınspektory boldy.
Osyǵan deıin deıin Almaty qalasy ákimi apparaty aýmaqtyq jáne ınfraqurylymdyq damý bóliminiń bas ınspektory laýazymyn atqarǵan.
