Oljas Bektenov jeke kompanııalardy muqtaj adamdardy qoldaýǵa shaqyrdy
ASTANA. KAZINFORM – Premer-mınıstr Oljas Bektenov Úkimet otyrysynda kvazımemlekettik sektormen qatar jeke kompanııalardy da kómekke muqtaj adamdardy ınklıýzıvti jobalarmen qoldaýǵa shaqyrdy.
Otyrysta «Samuryq-Qazyna» qorynyń basqarma tóraǵasy Nurlan Jaqypov aktsıonerlik qoǵamnyń áleýmettik baǵyttaǵy jobalary týraly málimet bergen. Úkimet basshysy «Samuryqty» osy bastamalaryna ózge de kompanııalar ún qosý kerektigin aıtty.
- Qor tarapynan aýqymdy jumys atqarylyp jatyr. Basqa da kvazımemlekettik, sonymen qatar, jeke kompanııalardy osy baǵytta belsendi jumys isteýge, qoldaýǵa, muqtaj adamdarǵa, múmkindigi shekteýli adamdarǵa kómek kórsetýge, tıisti qajetti jaǵdaı jasaýǵa shaqyramyn. Shaqyramyn, - dedi ol.
Buǵan deıin ol Úkimet «shynaıy muqtaj adamdarǵa ǵana kómek» qaǵıdatymen jumys isteıtinin aıtqan bolatyn.
