Oljas Bektenov jańa Ádilet mınıstrine birqatar tapsyrma berdi
ASTANA. KAZINFORM - Premer-mınıstr Oljas Bektenov Ádilet mınıstrliginiń ujymyna jańa mınıstr Erlan Sársenbaevty tanystyrdy.
Premer-mınıstr Azamat Esqaraevqa mınıstr qyzmetinde atqarǵan jumysy úshin alǵysyn bildirip, ary qaraıǵy kásibı qyzmetinde tabys tiledi.
Erlan Sársembaevty tanystyrý barysynda Premer-mınıstr Memleket basshysynyń elimizdiń quqyqtyq júıesin nyǵaıtý, «Zań men tártip» qaǵıdatyn engizý boıynsha Ádilet mınıstrligi ujymynyń aldyna qoıǵan birqatar mindetterdi atap ótti.
Oljas Bektenov Prezıdent belgilegen maqsattarǵa qol jetkizý sheńberindegi Úkimettiń jumysy turaqty ári sapaly zańnamalyq súıemeldeýdi talap etetinine toqtaldy.
Parlamentpen ózara tyǵyz is-qımyl júrgizý, azamattarǵa kórsetiletin zań qyzmetteriniń sapasyn odan ári arttyrýdy qamtamasyz etý, notarıat jáne advokatýra ınstıtýttaryn jetildirý qajettiligi naqtylandy.
Sonymen qatar halyqaralyq arenada Qazaqstannyń múddelerin qorǵaý jóninde birqatar tapsyrma berildi.
Erlan Sársembaev Ádilet mınıstri bolyp taǵaıyndalǵanyn jazǵan bolatynbyz.