Oljas Bektenov Jambyl oblysynyń ónerkásip kásiporyndarymen tanysty
ASTANA. KAZINFORM - Premer-Mınıstr Oljas Bektenov Jambyl oblysyna jumys sapary aıasynda Prezıdent Qasym-Jomart Toqaevtyń ósimniń nysanaly kórsetkishterine qol jetkizý úshin el ekonomıkasyndaǵy óńdeý ónerkásibiniń úlesin arttyrý jónindegi tapsyrmalarynyń oryndalýyn tekserdi, dep habarlaıdy Úkimettiń baspasóz qyzmeti.
Úkimet basshysy óńirdiń júıe quraýshy kásiporyndarynyń, atap aıtqanda hımııa, jeńil ónerkásip, taý-ken salasy kompanııalarynyń qyzmetimen tanysty. Sondaı-aq aýmaǵynda jańa iri óndiristerdiń qurylysy júrgizilip jatqan Jibek Joly arnaıy ekonomıkalyq aımaǵyna bardy.
Qazirgi sátte Jambyl oblysynyń ónerkásibinde 44 myńnan astam adam jumyspen qamtylǵan, óńirde 859 kásiporyn jumys istep tur, dep baıandady Úkimet basshysyna ákimniń orynbasary Ábilhaıyr Tamabek. Bul rette oblysta hımııa salasyn damytý boıynsha aýqymdy sharalar qabyldanýda. Jibek Joly arnaıy ekonomıkalyq aımaǵynyń qurylýy búgingi tańda óńirdiń bar áleýetin tıimdirek iske asyrýǵa múmkindik beredi. Dál qazirgi ýaqytta AEA júktemesi 86,7%-ǵa teń, 16 qatysýshy kompanııa tirkelgen, onyń 4-i jumys istep turǵan kásiporyn, 3-i qurylys jáne ornalastyrý satysynda, qalǵany memlekettik saraptamadan ótýde nemese jobalaý júrgizilip jatyr. Máselen, arnaıy ekonomıkalyq aımaq aýmaǵynda qytaıdyń TAS Market jáne ózbektiń Universal Trade LLP kompanııalary óndiristerin lokalızatsııalaýdy josparlap otyr.
QHR jobasy bastapqy kezeńde quny 12,9 mlrd teńge bolatyn shoıyn, bolat jáne ferroqorytpa óndiretin zaýyt salýdy, Ózbekstan tarapy – jalpy ınvestıtsııa kólemi$120 mln bolatyn qara metaldy balqytý jáne juqa tabaqty myryshtalǵan bolat óndiretin kásiporyn salýdy kózdeıdi. Alaıda, bul jobalar AEA qyzmetiniń basym túrlerine jatpaıdy jáne tıisti jeńildikterdi paıdalana almaıdy. Premer-Mınıstr Ónerkásip jáne qurylys mınıstrligine, sondaı-aq Ulttyq ekonomıka mınıstrligine barlyq óńdeýshi ónerkásipti qamtı otyryp, basym qyzmet túrleriniń tizbesin keńeıtý máselesin jedel pysyqtaýdy tapsyrdy.
Búginde Jambyl oblysynyń lokomotıvi – hımııa salasy, onyń úlesi 37%-dy quraıdy. Óńirdegi qala quraýshy kásiporyndardyń biri — «Qazfosfat» mıneraldy tyńaıtqyshtar shyǵaratyn zaýyty, onda 1,8 myńǵajýyq adam eńbek etedi. Jyldyq qýaty1 mln tonnatyńaıtqyshqa jetedi. Qazirgi ýaqytta tabıǵı gazdy paıdalanýdy shekteý sebebinen óndiris kóleminiń tómendeýi baıqalady. Kásiporynnyń tolyq qýatynda tıimdi jumys isteýi úshin81 176 myń mᶟ qajet. Oljas Bektenov aýyl sharýashylyǵy salasyn tyńaıtqyshtarmen qamtamasyz etetin kásiporynnyń turaqty jumysyn qamtamasyz etý basty mindet ekenin atap ótti. Úkimet basshysy Jambyl oblysynyń ákimdigine jáne zaýyt basshylyǵyna máseleni sheshý úshin Taraz qalasynyń 2-shi Gaz taratý stansasyn jańǵyrtý jóninde usynystar engizýdi tapsyrdy. Sonymen qatar fosforly gıps qaldyqtaryn ornalastyrý jáne lastanýdy boldyrmaý úshin aýdany 51,3 gajańa úıindi qurylysyn tezirek aıaqtaý mindeti qoıyldy.
Sondaı-aq jumys sapary barysynda Oljas Bektenov Shý aýdanynyń Shatyrkól-Jaısań klasterindegi jańa baıytý fabrıkasyna bardy. Búgingi tańda qurylys-montaj jumystary 95%-ǵa aıaqtalǵan. Zaýyttyń óndiristik qýaty jylyna 1,2 mln tonnakendi quraıdy. Іske qosý tamyz aıyna josparlanǵan, bul rette kásiporyn aldaǵy qazan aıynda óziniń eseptik kórsetkishine shyqpaq. Premer-Mınıstr Oljas Bektenov óńir ónerkásibindegi úlesi 10%-dyquraıtyn metallýrgııa salasynyń keleshegin atap ótip, Úkimet osyndaı jobalarǵa jan-jaqty qoldaý kórsetýge daıyn ekenin aıtty.
«Úkimettiń aldyna qoıylǵan mindettiń biri — turaqty ekonomıkalyq damýdy qamtamasyz etý. Bıyl syn-tegeýrinderdi eskere otyryp, biz barlyq salaǵa mýltıplıkatıvti áser etetin ónerkásiptik óndiristi kúsheıtilgen rejımde damytýymyz qajet. Jobalardy iske qosý jáne tolyq qýatta jumys isteý kezinde biz ekonomıkanyń derbestigin arttyramyz jáne joǵary bilikti jumys oryndaryn ashamyz. Elimizdiń barlyq óńirinde oń ózgerister bar: olardy qoldap, keńeıte berý qajet», — dep atap ótti Oljas Bektenov.
Otandyq taýar óndirýshilerdi qoldaý sharalaryna, onyń ishinde kásiporyndardyń tolyq júktemesin qamtamasyz etýge nazar aýdarylýda. Elimizdegi aıaq kıim shyǵaratyn negizgi zaýyttardyń biri Jambyl oblysynda ornalasqan. Oljas Bektenov Ónerkásip jáne qurylys mınıstrligine oblys ákimdigimen birlesip, otandyq óndirýshilerdi, onyń ishinde jeńil ónerkásipti qoldaý sharalaryn kúsheıtýdi tapsyrdy.
