Oljas Bektenov: Zań men tártip – memleketimizdiń negizgi qaǵıdattary
ASTANA. KAZINFORM — Premer-mınıstr Oljas Bektenov «Zań men tártip» konstıtýtsııalyq qaǵıdatyn júzege asyrý jónindegi vedomstvoaralyq komıssııanyń otyrysyn ótkizdi. Bul týraly Úkimettiń baspasóz qyzmeti habarlady.
– «Zań men tártip» – qazirgi tańda eń joǵarǵy konstıtýtsııalyq deńgeıde bekitilgen memleketimizdiń negizgi qaǵıdattary. Prezıdentimiz únemi aıtatyndaı, naǵyz patrıot ol - birinshi kezekte zańǵa baǵynatyn, tártipti saqtaıtyn, tazalyqty baǵalaıtyn, tabıǵatty aıalaıtyn eńbekqor, bilimdi azamat. Sondyqtan dál osyndaı qundylyqtardy bárimiz keńinen nasıhattaýymyz, ilgeriletýimiz qajet. Tártip bolmasa, elimizde ekonomıkalyq, áleýmettik, saıası, basqa maqsattarǵa qol jetkizý múmkin emes, - dep atap ótti Oljas Bektenov.
«Zań men tártip» qaǵıdaty zańdylyq pen qoǵamdyq qaýipsizdikti nyǵaıtýǵa baǵyttalǵany atalyp ótti. Al vedomstvoaralyq komıssııa memlekettik organdardyń quqyq buzýshylyqtardyń aldyn alý jónindegi jumysyn úılestirýmen aınalysady.
Jıynda «Zań men tártip» ıdeologııasyn qoǵamda ilgeriletý jónindegi tujyrymdamadaǵy is-sharalardyń oryndalý barysy jáne quqyq buzýshylyqtardyń aldyn alý jónindegi sharalar qaraldy.
Elimizde «zań men tártip» qaǵıdaty qalaı iske asyp jatqanyn jazǵan bolatynbyz.
