Oljas Bektenov ushqysh Talǵat Bıgeldınovtiń eskertkishine gúl shoqtaryn qoıdy
ASTANA. KAZINFORM — Oljas Bektenov aty ańyzǵa aınalǵan qazaqstandyq ushqysh Talǵat Bıgeldınovtiń eskertkishine gúl shoqtaryn qoıdy. Bul týraly Úkimettiń baspasóz qyzmeti málim etti.
Premer-mınıstr Oljas Bektenov Uly Jeńistiń 80 jyldyǵyn merekeleý aıasynda aty ańyzǵa aınalǵan ushqysh, QR avıatsııa general-maıory, Keńes Odaǵynyń eki márte batyry Talǵat Bıgeldınovtiń eskertkishine gúl shoqtaryn qoıý rásimine qatysty.
Talǵat Begeldınov soǵys jyldarynda áýede 500 saǵatqa jýyq ushyp, 305 ret áskerı shabýylǵa shyqqan, jaýdyń 7 ushaǵy men kóptegen áskerı tehnıkasyn talqandady. Sátti oryndalǵan barlaý operatsııalarynyń nátıjesinde ol úzdik áýe barlaýshylarynyń biri retinde tanyldy. Batyr Qazaqstannyń azamattyq avıatsııasyn damytýǵa, ınfraqurylym salýǵa jáne kásibı mamandar daıarlaýǵa zor úles qosty.
Gúl shoqtaryn qoıý rásimi barysynda soǵys jyldarynda qaza tapqan jaýyngerler men barsha maıdangerlerdi bir mınýt únsizdikpen eske aldy.