Oljas Bektenov turmystyq jáne óndiristik qaldyqty qaıta óńdeý salasyn synǵa aldy

ASTANA. KAZINFORM — QR Premer-mınıstri Oljas Bektenov elimizde turmystyq jáne óndiristik qaldyqtardy qaıta óńdeý jumystaryn synǵa aldy.

Олжас Бектенов
Фото: Ағибай Аяпбергенов/ Kazinform

— Qaldyqtardyń jınaqtalyp qalýy búgingi kúnniń eń ózekti problemasyna aınalyp otyr. Bul máselege jete kóńil bólmeýdiń saldary ekologııalyq ahýalǵa, sondaı-aq halyqtyń densaýlyǵy men turmys sapasyna áser etetinin kórsetti. Qaldyqtardy basqarý júıesin damytý úshin elimizde arnaıy jeńildikpen qarjylandyrý tetigi bekitilgen bolatyn. Búginde 94 jobadan turatyn pýl jasaqtaldy. Alaıda olardy iske asyrý barysy múldem mardymsyz. 67 joba qarastyrylǵan, sonyń 6-aýy ǵana 4 mlrd teńge qarajatpen qamtamasyz etilgen. Bul jobalardy daıyndaý barysynda ákimdikterdiń úılestirý sharalarynyń jetkiliksiz ekenin bildiredi, — dedi ol Úkimet otyrysynda.

Onyń aıtýynsha, óńirlerde ótken jyly 5 mln tonnaǵa jýyq turmystyq qaldyq jınalǵan, onyń 26 paıyz ǵana qaıta óńdelgen.

— Barlyq normatıvtik baza qabyldandy, soǵan qaramastan kommýnaldyq jáne basqa da qaldyqtardy órteý jobalaryn iske asyrý sozylyp ketti. Óndiristik qaldyqtardy qaıta óńdeý máselesi de sheshimin atppaı keledi. Jyl saıyn otandyq kásiporyndarda 1 mlrd tonnaǵa jýyq qaldyq jınaqtalyp qalady. Olardy qaıta óńdeý kólemi nebary 11 paıyzdy quraıdy. Al damyǵan elderde bul kórsetkish 70-80 paıyzǵa jetedi, — dedi Oljas Bektenov.

 

Сейчас читают