Oljas Bektenov túrik ınvestorlaryn jańa jobalarǵa ınvestıtsııa salýǵa shaqyrdy
ASTANA. KAZINFORM – Qazaqstan Úkimeti túrik ınvestorlarynyń ózara tıimdi usynystaryn qoldaýǵa daıyn. Bul týraly Qazaqstan-Túrkııa ınvestıtsııalyq dóńgelek ústel otyrysynda Premer-mınıstr Oljas Bektenov aıtty.
– Investorlarǵa arnalǵan salyqtyq jáne kedendik jeńildikter, zattaı túrdegi granttar jáne taǵy sol sııaqty preferentsııalardyń alýan túri kózdelgen. Mysaly, basym salalarda quny 60 mln dollardan asatyn ınvestıtsııalyq jobalar úshin qazaqstandyq zańnamanyń 25 jyldyq turaqtylyǵyna kepildik beretin ınvestıtsııalar týraly kelisim jasasý múmkindigi bar. Búginde osyndaı 53 kelisimge qol qoıyldy. Sonymen qatar elimizde bıznes júrgizý sharttaryn jeńildetý maqsatynda tsıfrlyq tehnologııalar belsendi túrde engizilýde. Atap aıtqanda, ulttyq tsıfrlyq ınvestıtsııalyq platforma jáne prokýrorlyq súzgi sııaqty quraldar ınvestorlar úshin ashyqtyqty qamtamasyz etip, ákimshilik kedergilerdi joıýda. Jalpy alǵanda, osy atalǵan qoldaý sharalary túrik áriptesterimiz úshin Qazaqstanda jańa jobalardy tabysty iske asyrýǵa qolaıly jaǵdaı qalyptastyrady dep senemiz, - dedi Úkimet basshysy.
Premer-mınıstr Qazaqstan tarapy ınvestorlarǵa qajetti resýrstarǵa kedergisiz qol jetkizýdi qamtamasyz etýge, konsýltatsııalyq jáne ınfraqurylymdyq, sorndaı-aq ónimderdi odan ary eksporttaýǵa qoldaý kórsetýge daıyn ekenin basa aıtty.
– Osy múmkindikterdi paıdala otyryp, baýyrlas qazaq eline jańa jobalarǵa ınvestıtsııa salýdy jalǵastyrýǵa shaqyramyn. Óz kezegimde Premer-mınıstr retinde sizderdiń taraptaryńyzdan bolatyn ózara tıimdi usynystardy qoldaıtyndyǵymyzǵa jáne Úkimet tarapynan qajetti sheshimderdi qabyldaıtyndyǵymyzǵa kepildik beremin, - dedi Oljas Bektenov.
Aıta keteıik, búgin Túrkııa Vıtse-prezıdenti Jevdet Iylmaz ben Premer-mınıstr Oljas Bektenovtiń qatysýymen Saýda-ekonomıkalyq yntymaqtastyq jónindegi komıssııanyń 14-otyrysy ótti. Іs-shara barysynda Oljas Bektenov Qazaqstannyń Túrkııamen tyǵyz yntymaqtastyqqa daıyn baǵyttaryn atady.
Sondaı-aq Rejep Taııp Erdoǵan Qazaqstanǵa memlekettik saparmen keletinin habarlaǵan edik.
