Oljas Bektenov Túmen oblysynyń gýbernatory Aleksandr Moormen kezdesý ótkizdi
ASTANA. KAZINFORM – Premer-Mınıstr Oljas Bektenov RF Túmen oblysynyń gýbernatorymen kezdesý barysynda shekara mańy jáne aımaqaralyq yntymaqtastyq máselelerin talqylady.
Qazaqstan-Reseı saýda qatynastaryn damytý aıasyndaǵy aımaqaralyq jáne shekara mańy yntymaqtastyǵy máseleleri talqylandy. Bıylǵy qańtar-mamyr aılarynda Qazaqstan óńirleri men Túmen oblysy arasyndaǵy taýar aınalymy $113,3 mln qurady.
Kezdesý barysynda kólik-logıstıka salasyndaǵy yntymaqtastyq máseleleri, atap aıtqanda, memlekettik shekara arqyly avtomobıl júk-jolaýshylar kópjaqty ótkizý pýnktin rekonstrýktsııalaý jobasy qaraldy.
Keshendi kúrdeli jóndeý sheńberinde ótkizý pýnktiniń qoldanystaǵy shekaralarynda kirý jolaqtaryn keńeıtý jáne júk kóligi baǵytynda 2 jolaq, jeńil kólik baǵytynda 4 jolaq salý josparlanyp otyr. Jobany iske asyrý AÓP ótkizý qabiletin jaqsartýǵa jáne saýda-ekonomıkalyq baılanystardy arttyrýǵa múmkindik beredi.
Sonymen qatar mádenı-gýmanıtarlyq yntymaqtastyqqa, joǵary bilim, týrızm jáne sport salalaryndaǵy ózara is-qımyl máselelerine nazar aýdaryldy.
