Oljas Bektenov Tsıfrlandyrý mınıstrligine naqty úsh tapsyrma júktedi

ASTANA. KAZINFORM – QR Premer-mınıstri Oljas Bektenov Tsıfrlandyrý mınıstrligine naqty úsh tapsyrma júktedi.

Үкімет отырысы
Фото: Виктор Федюнин / Kazinform

— Memlekettik organdar qabyldaıtyn barlyq sharalar keshendi sıpatta bolýǵa tıis. Osyǵan oraı Tsıfrlandyrý mınıstrligine mynandaı tapsyrmalar beremin:

1. Jyl sońyna deıin JI elementterin iske qosý arqyly Elektrondyq úkimet portalyn jańǵyrtý kerek.

2. Shalǵaı eldi mekenderdi ınternetpen qamtamasyz etý jobalaryn ýaqtyly iske asyrý qajet. Sondaı-aq barlyq aýyldyq poshta bólimshelerinde memlekettik qyzmetter kórsetýdi qarjylandyrý máselesi sheshimin tabýǵa tıis.

3. Múddeli memlekettik organdarmen birlesip halyqqa qyzmet kórsetý ortalyqtary kórsetetin meılinshe suranysqa ıe qyzmetterdi onlaın formatqa kóshirýdi qamtamsyz etsin, - dedi Úkimet basshysy.

Oljas Bektenov elimizdegi tsıfrlandyrý salasy tikeleı óziniń baqylaýynda bolatynyn atap ótti.

Osyǵan deıin Úkimet basshysy memorgandardyń aqparattyq júıelerdi baqylaý servısine qosýdy aıaqtaýy tıis ekendigin aıtty.

 

Сейчас читают