Oljas Bektenov TSC Global / GK Hyperscale basshylyǵymen tsıfrlyq saladaǵy máselelerdi talqylady
ASTANA. KAZINFORM – Premer-Mınıstr Oljas Bektenov TSC Global / GK Hyperscale kompanııasy basshylary Maıkl Dıkerson jáne Denıel Dıkersonmen kezdesti, dep habarlaıdy Úkimettiń baspasóz qyzmeti.
Memleket basshysynyń Qazaqstan halqyna Joldaýynda qoıylǵan mindetterdi iske asyrý sheńberinde Úkimet ınvestıtsııa kólemin ulǵaıtý, ozyq tehnologııalar transferti, óndiristerdi lokalızatsııalaýǵa jáne sheteldik ınvestorlardyń qatysýymen tereń óńdeý klasterlerin qurýǵa baǵyttalǵan.
Kezdesý barysynda tsıfrlyq ınfraqurylymdy damytý jáne ozyq tehnologııalar transferti salasyndaǵy ınvestıtsııalyq yntymaqtastyq máseleleri talqylandy.
Kompanııanyń esepteý qýatynyń ósýin qamtamasyz etý jáne IT qyzmetter eksportyn arttyrý tásilderi qaraldy.
TSC Global / GK Hyperscale bas atqarýshy dırektory Maıkl Dıkerson joǵary bilikti mamandarǵa arnalǵan 300-den astam jumys ornyn ashýdy kózdeıtin jobaǵa qyzyǵýshylyq tanytty. Kezdesý qorytyndysy boıynsha taraptar nátıjeli yntymaqtastyqqa daıyn ekenin atap ótti.
Aıta keteıik, TSC Global / GK Hyperscale – elder úshin qaýipsiz tsıfrly ınfraqurylym qurýǵa mamandanǵan halyqaralyq kompanııa. GK Aýstralııada jáne basqa da birqatar elde zamanaýı derekter ortalyqtaryn (DO) jáne ınfraqurylymdyq jobalardy salýmen ári paıdalanýmen aınalysady.
