Oljas Bektenov: «Taza Qazaqstan» bastamasy tıimdiligin kórsetti
ASTANA. KAZINFORM – Premer-mınıstr Oljas Bektenov Úkimet otyrysynda «Taza Qazaqstan» ekologııalyq bastamasy tıimdiligin kórsetkenin aıtty.

- «Taza Qazaqstan» ekologııalyq bastamasy óziniń joǵary tıimdiligin kórsetti. Sondaı-aq 2029-shy jylǵa deıingi uzaq merzimdi tujyrymdama mártebesine ıe boldy. Qujatta ekologııalyq ahýaldy jaqsartý, qorshaǵan ortany saqtaý jáne ekologııalyq mádenıetti qalyptastyrý baǵytynda keshendi is-sharalar aıqyndaldy. Qabyldanyp jatqan sharalardyń barlyǵy qoǵamnyń ekologııalyq saýaty men jaýapkershiligin arttyrýǵa baǵyttalyp otyr, - dedi Úkimet basshysy.
Oljas Bektenov bul bastamaǵa kez kelgen úlesin qosa alatynyn eske saldy.
- Ol úshin ekologııalyq mádenıet kúndelikti ómirimizdiń ajyramas bóligine aınalýǵa tıis. Barlyq memlekettik organdar, bıznes pen búkil qoǵam bolyp osy jumystarǵa belsendi atsalysýymyz qajet, - dedi Premer-mınıstr.
Aıta keteıik, búgingi Úkimet otyrysynda Ekologııa jáne tabıǵı resýrstar mınıstri Erlan Nysanbaev «Taza Qazaqstan» bastamasynyń bir jyldaǵy nátıjesin baıandaǵan bolatyn.