Oljas Bektenov taýarlardyń elektrondyq katalogin jappaı engizýdi tapsyrdy

ASTANA. KAZINFORM – Qarjy mınıstrligi Taýarlardyń elektrondyq katalogin jappaı engizýdi qamtamasyz etýi kerek. Bul týraly Úkimet otyrysynda Premer-Mınıstr Oljas Bektenov aıtty.

«Taýarlardy qadaǵalaýdy qamtamasyz etý maqsatynda jalpy synyptama bekitildi. Ol shıkizat pen ónimdi sáıkestendirýdiń halyqaralyq standarttaryn qoldanýǵa, sondaı-aq bizdegi barlyq katalogterdi biriktirýge baǵyttalǵan. Sondyqtan Qarjy mınıstrligi Taýarlardyń elektrondyq katalogin jappaı engizýdi qamtamasyz etýi kerek», - dedi Premer-Mınıstr.

Úkimet basshysynyń atap ótýinshe, joǵary oqý oryndarynyń janynda ǵylymı zertteýler men zerthanalyq synaqtardyń keń spektrin júrgize alatyn ǵylymı-zertteý zerthanalary jumys isteıdi. Olardyń áleýetin paıdalaný qajet. Sondyqtan Oljas Bektenov Ǵylym mınıstrligi olardyń bıznespen qarym-qatynas jasaý tásilderin daıyndaýy kerektigin basa aıtty.

«Bıyl Tehnıkalyq retteýdiń aqparattyq júıesi iske qosyldy. Bul alań barynsha ashyq bolyp, memlekettik organdar, bıznes-qoǵamdastyq pen halyq úshin biryńǵaı qol jetkizý núktesine aınalýǵa tıis. Saýda mınıstrligi osy aqparattyq júıeniń fýnktsıonalyn keńeıtkeni jón», - dedi ol.