Oljas Bektenov tarıf saıasaty týraly: Baǵanyń kúrt qymbattaýyna jol bermeımiz

ASTANA. KAZINFORM – Premer-mınıstr Oljas Bektenov Úkimettiń keńeıtilgen otyrysynda ekonomıkany yryqtandyrý saıasaty qalaı iske asatynyn aıtty.

- Ekonomıkanyń qarjylandyrý kólemi úlken sektorlarynda baǵany shamadan tys memlekettik retteý bul mindetti qıyndata túsip, ınvestıtıtsııalyq áleýetti tómendetip otyr. Úkimet janar-jaǵarmaı materıaldary men gaz baǵasyn, turǵyn úı-kommýnaldyq sharýashylyq jáne temirjol tasymaly salalaryndaǵy tarıfterdi kezeń-kezeńmen yryqtandyrýda bastady, - dedi ol.

Premer-mınıstr naryqtyq baǵa saıasatyna kóshýdiń artyqshylyqtaryna da toqtaldy.

- Birtindep naryqtyq baǵa saıasatyna kóshý osy salalarǵa qajetti ınvestıtsııalardy tartýǵa jáne janarmaı tapshylyǵynyń aldyn alýǵa múmkindik beredi. Biz baǵanyń kúrt qymbattaýyna jol bermeımiz. Osyny basa aıtqym keledi, - dedi Úkimet basshysy.

Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.