Oljas Bektenov «Samuryq-Energo» basshysynyń ne sebepti qyzmetten ketkenin aıtty
ASTANA.KAZINFORM – «Samuryq-Energo» AQ basqarma tóraǵasy Qaırat Maqsutov jańa energetıkalyq qýatty salý jáne paıdalanýǵa berý merziminiń saqtalýyn jetkilikti deńgeıde baqylamaǵany úshin qyzmetinen bosatyldy. Bul týraly Premer-mınıstr Oljas Bektenov Úkimet otyrysynda málimdedi.
– Jańa qýat kózderin salý men iske qosýdyń belgilengen merzimderin saqtalýyn tıisti deńgeıde baqylamaǵany úshin keshe «Samuryq-Energo» AQ basqarma tóraǵasy Qaırat Maqsutovty qyzmetinen bosatý týraly sheshim qabyldandy. Oǵan birneshe ret eskertý jasalǵan bolatyn, ol tıisti qorytyndy jasaǵan joq. Sondyqtan keshe Prezıdent tarapynan qatań syn aıtyldy, sodan keıin tıisti sheshim qabyldandy, – dep túsindirdi Premer-mınıstr.
Sonymen qatar endi Energetıka mınıstrligine «Samuryq-Qazyna» qorymen birlesip, energetıkalyq jobalardy iske asyrý jáne mundaı jaǵdaılardyń aldaǵy ýaqytta qaıtalanýyna jol bermeý jóninde sharalar qabyldaý tapsyryldy.
Aıta keteıik, Qazaqstanda 2029 jyldyń sońyna deıin 13,3 GVt jańa elektr qýaty iske qosylady.
