Oljas Bektenov Salyq kodeksiniń jańa redaktsııasyn 20 aqpanǵa deıin májiliske engizýdi tapsyrdy
ASTANA. KAZINFORM – Premer-mınıstr Oljas Bektenov Úkimet otyrysynda Salyq kodeksiniń jańa redaktsııasyn 20 aqpanǵa deıin májiliske engizýdi tapsyrdy.
Áýeli Premer-mınıstrdiń orynbasary – Ulttyq ekonomıka mınıstri Serik Jumanǵarın qosylǵan qun salyǵyn saralap qalyptastyrýdaǵy jańa usynystardy atap shyqty. Sondaı-aq, ol Úkimet Salyq kodeksiniń jańa redaktsııasyn talqylaý úshin 6 jumys toby qurylǵanyn, búginnen bastap óńirlerdi aralaıtynyn aıtty.
Úkimet basshysy talqylaý jumystaryna ózi de aralasatynyn málim etti.
- Jalpy usynystardy qoldaımyz. Osy aptada óńirlerge baryp, halyqtyń barlyq sanatymen egjeı-tegjeıli talqylaý kerek. Men de Astanada jáne óńirlerge baryp talqylaýlar ótkizemin. Osy jumystyń nátıjesi boıynsha Salyq kodeksi men ilespe zańdardyń jobalaryna túzetýlerdi 20 aqpanǵa deıin Májiliske engizý kerek. Ári qaraı Májiliste talqylaýdy jalǵastyramyz, - dedi Oljas Bektenov.
Jańa bıýdjet kodeksi: Senat qujatty Májiliske qaıtarǵan bolatyn.