Oljas Bektenov «Rosatom» bas dırektory Alekseı Lıhachevpen kezdesti

ASTANA. KAZINFORM - Qazaqstan Respýblıkasynyń Premer-mınıstri Oljas Bektenov «Rosatom» memlekettik korporatsııasynyń bas dırektory Alekseı Lıhachevpen kezdesý ótkizdi, dep habarlaıdy Úkimettiń baspasóz qyzmeti.

Oljas Bektenovke «Rosatom» korporatsııasynyń basshysy Almaty oblysyndaǵy alǵashqy atom elektr stansasy qurylysynyń bastalǵany týraly aqparat berdi.

Kezdesý barysynda taýarlar men qyzmetterdegi qazaqstandyq qamtý tetikteri, otandyq qural-jabdyqtar men materıaldardy paıdalaný, sondaı-aq kadrlyq áleýetti tartý, tájirıbe almasý máseleleri talqylandy. ıAdrolyq-otyn tsıkli protsesterin lokalızatsııalaý máseleleri kóterildi. Sondaı-aq jetekshi otandyq jáne sheteldik áriptesterdi biriktiretin halyqaralyq konsortsıým qalyptastyrýdyń tájirıbelik tustary qarastyryldy.

Reseı tarapy atom elektr stansasy qurylysyn aıasynda kooperatsııanyń qajetti deńgeıin qamtamasyz ete otyryp, Qazaqstan jáne basqa elderdiń jetkizýshilerimen yntymaqtasýǵa daıyn ekendigin jetkizdi.

Premer-mınıstr Oljas Bektenov atom elektr stansasynyń qurylysy Memleket basshysynyń baqylaýynda ekenin atap ótti. Úkimet jobany júzege asyrýǵa qajetti kómek kórsetedi.

Osyǵan deıin Qazaqstanda alǵashqy AES qurylysy resmı túrde bastalǵany týraly jazdyq.