Oljas Bektenov RF Úkimeti tóraǵasynyń orynbasary Dmıtrıı Chernyshenkomen kezdesti
ASTANA. KAZINFORM — Qazaqstan Respýblıkasynyń Premer-mınıstri Oljas Bektenov pen Reseı Federatsııasy Úkimeti tóraǵasynyń orynbasary Dmıtrıı Chernyshenkomen kezdesýinde tsıfrlandyrý, ınnovatsııa, sport, týrızm jáne bilim berý salasyndaǵy ekijaqty yntymaqtastyq máselelerine nazar aýdaryldy.
Kezdesýge qatysýshylar Qazaqstan Prezıdenti Qasym-Jomart Toqaev pen Reseı prezıdenti Vladımır Pýtınniń senimge qurylǵan dıalogy men udaıy habar alysyp turǵanynyń arqasynda turaqty ekonomıkalyq jáne mádenı-gýmanıtarlyq baılanystar ornyqqanyn atap ótti. Ekijaqty qatynastar strategııalyq seriktestik pen odaqtastyq baǵytynda damýda.
2025 jylǵy qańtar-maýsym aralyǵynda ózara taýar aınalymy $12 mlrd quraǵan. Eki memleket basshylarynyń tapsyrmasy boıynsha ózara saýdany $30 mlrd-qa deıin ulǵaıtý boıynsha josparly jumys júrgizilip jatyr.
Sapar aıasynda Dmıtrıı Chernyshenko birqatar nysandarǵa barady. Reseı Federatsııasy Úkimeti Tóraǵasynyń orynbasary L.N.Gýmılev atyndaǵy Eýrazııa ulttyq ýnıversıtetiniń, sondaı-aq MMÝ jáne MMHQI-dyń qazaqstandyq fılıaldarynyń qyzmetimen tanysady.
Aıta keteıik, Premer-mınıstr Oljas Bektenovtyń tóraǵalyǵymen Tsıfrlyq shtabtyń otyrysy ótti. Onda Prezıdent Joldaýyn oryndaý úshin birqatar sheshim qabyldandy.