Oljas Bektenov Reseı Úkimetiniń tóraǵasy Mıhaıl Mıshýstınmen kezdesti
ASTANA. KAZINFORM – Oljas Bektenov pen Mıhaıl Mıshýstın joǵary deńgeıde qol jetkizilgen ýaǵdalastyqtardyń iske asyrylý barysyn talqylady. Bul týraly Úkimettiń baspasóz qyzmeti habarlady.
Onda joǵary deńgeıde qol jetkizilgen ýaǵdalastyqtardy júzege asyrý máseleleri talqylandy.
Kezdesý barysynda taraptar strategııalyq áriptestik pen odaqtastyqqa negizdelgen Qazaqstan men Reseı arasyndaǵy senim men syndarly dıalogtyń joǵary deńgeıin atap ótti. 2024 jyldyń qorytyndysy boıynsha ózara saýda kólemi $27,8 mlrd-qa jetti, 2025 jylǵy qańtar-mamyrda $9,6 mlrd-qa jetti.
– Memleketter basshylarynyń tapsyrmasy boıynsha biz ózara saýda kólemin $30 mlrd-qa deıin ulǵaıtý boıynsha maqsatty jumys júrgizip jatyrmyz. Investıtsııalyq yntymaqtastyqta zor múmkindikter bar. Jalpy, ekijaqty ózara is-qımyl máseleleriniń keń aýqymyn sheshýde yntymaqtastyq jónindegi úkimetaralyq komıssııanyń tıimdi qyzmetin atap ótkim keledi, – dedi Oljas Bektenov.
Eki memleket arasyndaǵy áriptestikti tereńdetý aıasynda osy jyldyń kúzinde Oral qalasynda ótetin Qazaqstan men Reseıdiń XXI Óńiraralyq yntymaqtastyq forýmynyń daıyndyq barysyna erekshe nazar aýdaryldy.
Kezdesý qorytyndysy boıynsha taraptar barlyq basym baǵyttar boıynsha eki el arasyndaǵy ózara tıimdi ekonomıkalyq yntymaqtastyqty odan ári tereńdetýge daıyn ekendikterin jetkizdi.
Buǵan deıin Oljas Bektenov quqyq buzýshylyqtyń aldyn alý jónindegi vedomstvoaralyq komıssııanyń otyrysyn ótkizdi.