Oljas Bektenov Prezıdent atynan memlekettik nagradalar tabys etti
ASTANA. KAZINFORM - Memleket basshysynyń tapsyrmasy boıynsha Premer-mınıstr Oljas Bektenov Prezıdenttiń Jarlyǵyna sáıkes azamattarǵa berilgen memlekettik nagradalardy tabys etti. Bul týraly Úkimettiń baspasóz qyzmeti habarlady.
Elimizdiń áleýmettik-ekonomıkalyq jáne mádenı damýyna qosqan eleýli úlesi úshin qoǵam qaıratkerleri men memlekettik qyzmetshiler marapattaldy.
II dárejeli «Barys» ordenin Qazaqstan Mashına jasaýshylary odaǵynyń basqarma tóraǵasy M. Pishembaev, III dárejeli «Barys» ordenine – QR Úkimetiniń Parlamenttegi ókili E. Amanshaev ıelendi.
«Parasat» ordeni Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy T. Ospanqulovqa, Aýyl sharýashylyǵy mınıstrligi Jer resýrstaryn basqarý komıtetiniń tóraǵasy M. Temirjanovqa, «QazMunaıGaz» UK» AQ basqarma tóraǵasynyń birinshi orynbasary Q. Isqazıevke tabystaldy.
«Qurmet» ordenimen Úkimet Apparaty basshysynyń orynbasary E. Tolǵanbaev, oqý-aǵartý birinshi vıtse-mınıstri N. Jýmadıldaeva, ekologııa jáne tabıǵı resýrstar vıtse-mınıstri J. Álıev, sý resýrstary jáne ırrıgatsııa birinshi vıtse-mınıstri B. Beknııaz, energetıka vıtse-mınıstri E. Aqkenjenov, Mádenıet jáne aqparat mınıstrligi Mádenıet komıtetiniń tóraǵasy K. Seıitova, «Báıterek» UBH» AQ basqarma tóraǵasynyń orynbasary V. Son, Kólik mınıstrligi Avtomobıl joldary komıtetiniń tóraǵasy T. Abdýllın, Freedom Holding Corp. bas atqarýshy dırektory T. Týrlov, Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy R. Ábdiqalyqov, «Qazatomónerkásip» UAK» AQ basqarýshy dırektory J. Ómirbekov, «QazaqGaz» UK» AQ basqarma tóraǵasynyń birinshi orynbasary M. Ihsanov, Úkimet Apparaty bólim meńgerýshisiniń orynbasary Z. Hamıtova, Oqý-aǵartý mınıstrligi Orta bilim berý komıteti tóraǵasynyń orynbasary A. Qultýmanova, Úkimet Apparatynyń óńirlik ınspektory Q. Qalybekov, Energetıka mınıstrligi Atomdyq jáne energetıkalyq qadaǵalaý jáne baqylaý komıteti tóraǵasynyń orynbasary I. Rojkov, «Qazaqstan temir joly» UK» AQ apparat basshysy S. Keýlimjaev, «Qazaqstannyń Damý banki» AQ basqarma tóraǵasynyń orynbasary B. Ábisheva, «Azamattarǵa arnalǵan úkimet» KeAQ» Ulytaý oblysy boıynsha fılıalynyń dırektory Jańǵazy Raqymov marapattaldy.
Premer-mınıstr barshany ulttyq mereke – Respýblıka kúnimen quttyqtady. Oljas Bektenov Memleket basshysynyń tapsyrmalaryn oryndaý jáne Ádiletti Qazaqstan qurýda memlekettik apparattyń odan ári adal da ádil jumysynyń mańyzdylyǵyn atap ótti.
