Oljas Bektenov pen Slovenııa Prezıdenti birqatar máseleni talqylady

ASTANA. KAZINFORM – Premer-mınıstr Oljas Bektenov pen Slovenııa Prezıdenti Natasha Pırts-Mýsar saýda-ekonomıkalyq yntymaqtastyq máselelerin talqylady. Bul týraly Úkimettiń baspasóz qyzmeti habarlady.

Kezdesý barysynda Qazaqstan Prezıdenti Qasym-Jomart Toqaev pen Slovenııa Prezıdenti Natasha Pırts-Mýsar arasyndaǵy saýda-ekonomıkalyq jáne ınvestıtsııalyq ózara is-qımyldy nyǵaıtý týraly qol jetkizilgen ýaǵdalastyqtardy júzege asyrý máseleleri qaraldy.

Saýda salasynda Іskerlik keńestiń jumysyna nazar aýdaryldy, ol taý-ken, munaı-gaz jáne basqa da salalarda áriptestikti tereńdetýdiń jáne tájirıbe almasýdyń qosymsha tetigi bolýy tıis. Qazaqstanda qolaıly bıznes-klımat ornatý úshin barlyq shara qabyldanyp jatyr.

Kólik-logıstıka salasyndaǵy, onyń ishinde Transkaspıı halyqaralyq kólik baǵytyn damytý aıasyndaǵy yntymaqtastyq talqylandy. «Orta dáliz» boıyndaǵy birlesken logıstıkalyq jáne ınfraqurylymdyq jobalardyń keleshegi qarastyryldy.

Energetıka salasynda ınfraqurylymǵa birlesken ınvestıtsııalar tartý, jańartylatyn energııa kózderin damytý jáne energııa tıimdiligin arttyrý múmkindikteri qaraldy. Sondaı-aq sý resýrstaryn basqarýǵa da nazar aýdaryldy. Sonymen qatar jańa býynnyń tsıfrlyq qyzmetterin damytý jáne JI elementterin engizý boıynsha birlesken tehnologııalyq jobalardy júzege asyrý perspektıvalary talqylandy.

Kezdesý sońynda eki el prezıdentteri qol jetkizgen naqty ýaǵdalastyqtary men birlesken málimdemelerin júzege asyrý máseleleri yntymaqtastyq jónindegi Úkimetaralyq komıssııanyń erekshe baqylaýynda bolatyny atap ótildi.

Aıta keteıik, Qasym-Jomart Toqaev pen Natasha Pırts-Mýsar Qazaqstan-Slovenııa bıznes-forýmyna qatysty.