Oljas Bektenov pen Bolgarııa Prezıdenti saýda-ekonomıkalyq yntymaqtastyq máselelerin talqylady

ASTANA. KAZINFORM – Qazaqstan Respýblıkasynyń Premer-mınıstri Oljas Bektenov pen elimizge alǵashqy resmı saparmen kelgen Bolgarııa Prezıdenti Rýmen Radev eki memleket basshylarynyń kelissózderi barysynda qol jetkizilgen ýaǵdalastyqtardy iske asyrý máselelerin talqylady. Bul týraly Úkimettiń baspasóz qyzmeti habarlady. 

Oljas Bektenov Qazaqstan Úkimeti joǵary deńgeıde qol jetkizilgen kelisimderdi tolyq iske asyrýǵa nıetti ekenin atap ótti.

Jıynda saýda-ekonomıkalyq, ınvestıtsııalyq jáne kólik-logıstıkalyq salalardaǵy yntymaqtastyqqa nazar aýdaryldy.
Atap aıtqanda, qazaqstandyq organıkalyq aýyl sharýashylyǵy ónimderiniń ózara saýdasyn keńeıtý, ony qaıta óńdeý jáne eksporttaý, hımııa, qosylǵan quny joǵary taýarlar boıynsha birlesken kásiporyndar qurý múmkindikteri qaraldy.

Yntymaqtastyqty odan ári arttyrýdyń negizgi platformalarynyń biri retinde Transkaspıı halyqaralyq kólik baǵyty – «Orta dálizdi» damytý máselesi atap ótildi.

Sonymen qatar eki eldiń bıznes-toptarynyń aqparattyq tehnologııalar, farmatsevtıka, týrızm, sondaı-aq jalpy tájirıbe almasý salasyndaǵy ınvestıtsııalyq ózara is-qımylyn damytý perspektıvalary talqylandy.

Bolgarııa Qazaqstannyń Eýropalyq Odaqtaǵy eń iri 15 saýda seriktesiniń qataryna kiredi. 2024 jyly ekijaqty taýar aınalymy $375 mln-ǵa deıin artty. Qazirgi ýaqytta jańa jumys oryndaryn ashý arqyly jalpy quny $117 mln-nan asatyn birlesken jobalar pysyqtalyp jatyr. 

Aıta ketelik Memleket basshysy «Qazaqstan – Bolgarııa» bıznes-forýmyna qatysty.