Oljas Bektenov otandyq óndirýshiler tizbesin jalǵan kásiporyndardan taza ustaýdy tapsyrdy

ASTANA. KAZINFORM – Premer-mınıstr Oljas Bektenov Úkimet otyrysynda Ónerkásip jáne qurylys mınıstrligine otandyq óndirýshiler tizbesin jalǵan kásiporyndardan taza ustaýdy tapsyrdy.

«Siz baıandamańyzda biryńǵaı reestr týraly aıttyńyz. Oǵan irikteý protsesi qalaı júredi?» - dep surady Úkimet basshysy.

Mınıstr Q.Sharlapaev irikteý kezinde eki máselege basymdy beriletinin aıtady.

«Qazirgi tańda tsıfrlyq quraldarǵa basymdyq berip otyrmyz. Eń aldymen Qarjy mınıstrliginde, Tsıfrlyq damý mınıstrliginde búkil kásiporyndar týraly tolyq aqparat bar. Osy aqparatty paıdalana otyryp, biz shynaıy óndirýshilerdi anyqtaımyz. Mysaly, kásiporynnyń qýattylyǵy, qyzmetkerlerdiń sany týraly jáne basqa da aqparattardy jınap, shynaıy óndirýshilerdi irikteımiz», - deıdi ol.

Sondaı-aq, elde jumys istep turǵan kásiporyndardyń óndirisindegi jergilikti mazmunnyń úlesi de eskeriletin kórinedi.

«Ekinshiden, lokalızatsııa deńgeıin tekseremiz. ıAǵnı, óndirýshiler Qazaqstannyń shıkizatyn paıdalanyp otyr ma, basqa qazaqstandyq kásiporyndarmen birlesip jumys isteı me, soǵan mán beremiz», - dedi mınıstr.

Premer-mınıstr atalǵan reestrge jalǵan óndirýshiler kirmeý kerektigin basa aıtty.

«Jalǵan óndirýshiler deıtin óte mańyzdy másele. Ondaı bar, biz bilemiz. Olar myna reestrge kirmeý kerek», - dedi O.Bektenov.