Oljas Bektenov Óskemendegi jarylysty jeke baqylaýyna aldy
ASTANA. KAZINFORM — Premer-mınıstr Oljas Bektenov Óskemendegi kásiporyndardyń birinde bolǵan jarylysty jeke baqylaýyna aldy.
— Birinshiden, Óskemende bolǵan jarylysqa qatysty tańerteń qajetti tapsyrmalardy berdim. Tótenshe jaǵdaılar, Ekologııa mınıstrlikteri, oblys ákimdigi qajetti sharalar qabyldap, maǵan baıandańyzdar. Másele meniń jeke baqylaýymda bolady, — dedi Úkimet otyrysyn ashqan Premer-mınıstr.
Buǵan deıin habarlaǵanymyzdaı, Óskemen qalasynda ornalasqan kásiporyn aýmaǵynda apat boldy.
Tótenshe jaǵdaılar mınıstrliginiń málimetinshe, shań súzý tsehyndaǵy qurylǵyda gaz ben aýa qospasy jarylyp, sonyń saldarynan órt shyǵyp, ǵımarattyń bir bóligi opyrylǵan.
