Oljas Bektenov orynbasarlary Qanat Bozymbaev pen Roman Sklıar jetekshilik etetin salalardy atady
ASTANA. KAZINFORM – Premer-Mınıstr Oljas Bektenov orynbasarlary Qanat Bozymbaev pen Roman Sklıar jetekshilik etetin salalardy atady.
«Ózderińiz biletindeı, Úkimet quramynda ózgerister boldy. Memleket basshysynyń Jarlyǵymen Qanat Bozymbaev Premer-Mınıstrdiń orynbasary bolyp taǵaıyndaldy. Qanat Aldagerbenuly óńirlik saıasat, turǵyn úı kommýnaldyq sharýashylyǵy, sý reýrstary jáne tótenshe jaǵdaılardyń aldyn alý men joıý máselelerine jetekshilik etetin bolady. Al Roman Sklıar qurylys, energetıka, kólik ınfraqurylymy, logıstıka, ónerkásip, jer qoınaýyn paıdalaný, ınvestıtsııalyq jobalardy iske asyrý jáne taǵy basqa aýqymdy máselelermen aınalysady. Bul Memleket basshysynyń aýqymdy ınfraqurylymdyq bastamalaryn iske asyrý jaǵdaıynda asa mańyzdy sanalady», - dedi Oljas Bektenov Úkimet otyrysynda.
Onyń aıtýynsha, qazirgi ýaqytta Qanat Bozymbaev Tótenshe jaǵdaılar mınıstrimen birge óńirlerde jaǵdaıdy turaqtandyrý úshin atqarylyp jatqan jumystardyń tikeleı basynda-qasynda júr.
