Oljas Bektenov: Munaı óndirisiniń tómendeýine qaramastan JІÓ 4%-ǵa jetti

ASTANA. KAZINFORM – Úkimet basshysy Oljas Bektenov elimizde jalpy ishki ónimniń munaıdan tys salalar esebinen de ósip jatqanyn aıtty.

«Bıyl 9 aıdyń qorytyndysy boıynsha munaı óndirý kóleminiń tómendeýine qaramastan JІÓ ósimi 4%-ǵa jetti. Jalpy ishki ónim munaıdan tys salalar esebinen de ósip jatyr. Aıtar bolsaq, ekonomıka aýyl sharýashylyǵy esebinen 11,4%-ǵa, kólik, saýda esebinen 6%-dan asa jáne qurylys esebinen 10%-ǵa artty. Osylaısha, jalpy ekonomıkanyń ósýi JІÓ-niń artýyna qoldaý kórsetip otyr. Árıne, bul jetkiliksiz, túsinip otyrmyz, sondyqtan da túıindi másele boıynsha qazirdiń ózinde jumys istep jatyrmyz. Elimizdegi iri ındýstrııalyq jáne ınfraqurylymdyq jobalardy iske asyrý úshin ekonomıkaǵa eleýli ınvestıtsııa kólemin arttyrý kerek», - dedi Oljas Bektenov Májilistiń jalpy otyrysynda 2025-2027 jyldarǵa arnalǵan respýblıkalyq bıýdjetti talqylaý barysynda. 

Buǵan deıin Oljas Bektenov turǵyn úı-kommýnaldyq sharýashylyǵy týraly ulttyq jobanyń daıyn bolyp qalǵanyn aıtty. Onyń aıtýynsha, atalǵan salaǵa 2029-2030 jyldary shamamen 10 trln teńge ınvestıtsııa tartylmaq. 

Sondaı-aq, Premer-mınıstr áleýmettik-ekonomıkalyq damýynyń 2025-2029 jyldarǵa arnalǵan boljamǵa sáıkes jalpy ishki ónimniń (JІÓ) jyl saıynǵy ósýi orta eseppen 5,4% deńgeıinde josparlanǵan.