Oljas Bektenov mınıstrlerge: Bos áńgimeni doǵaratyn ýaqyt keldi
ASTANA. KAZINFORM — Іri ónerkásip jáne ınfraqurylym jobalaryn júzege asyryp, barlyq salaǵa jasandy ıntellektini engizý kerek. Bul týraly Úkimet otyrysynda Premer-mınıstr Oljas Bektenov aıtty.
— Qazirgi jahandyq ekonomıkalyq jáne geosaıası ahýal barlyq elge áser etip otyr. Biz jyldyń sońyna deıin 5 paıyzdan joǵary deńgeıde ornyqty ekonomıkalyq ósimge qol jetkizý úshin bar kúshimizdi jumyldyrýymyz qajet. Shıkizattyq emes sektorda turaqty ósim baıqalyp otyr. Óńdeý ónerkásibiniń kólemi 8,5 paıyzǵa ósti. Atalǵan oń úrdisti jalǵastyra otyryp, qoldaǵy barlyq rezervti tolyq paıdalaný kerek, — dedi Oljas Bektenov.
Úkimet basshysy básekelestik kúnnen kúnge kúsheıip kele jatqanyna nazar aýdartty.
— Bos áńgimeni doǵaratyn ýaqyt keldi. Naqty ispen aınalysý kerek. Іri ónerkásip jáne ınfraqurylym jobalaryn júzege asyryp, barlyq salaǵa jasandy ıntellektini engizý kerek. Qarjylyq tártipti qatań saqtap, áleýmettik qamsyzdandyrýdyń ádiletti júıesin qalyptastyrý qajet. Qazirgideı bárine birdeı emes, memleket shyn máninde muqtaj adamdarǵa ǵana qoldaý kórsetýge tıis, — dedi Premer-mınıstr.
Buǵan deıin Olja Bektenov kúrdeli syrtqy ekonomıkalyq ahýalǵa qaramastan shıkizattyq emes sektor básekege qabilettiligin kórsetkenin aıtqan edi.
