Oljas Bektenov metallýrgııa qarqyny tómendep ketkenine alańdaýly

ASTANA. KAZINFORM – Premer-mınıstr Oljas Bektenov Úkimet otyrysynda metallýrgııa ónerkásibiniń qarqyny tómendep ketkenine alańdaýshylyq bildirdi.

- 11 aıdyń qorytyndysy boıynsha Jalpy ishki ónimniń ósimi 6,4% boldy. Jalpy ekonomıkadaǵy oń kórsetkishterge qaramastan, saýda jáne qurylys salalarynda, sondaı-aq kólik qyzmetterinde ósimniń birshama baıaýlap qalǵany baıqalady. Metallýrgııa ónerkásibindegi ósý qarqyny da tómendep ketkenin basa aıtqym keledi. Bul sala – ekonomıkanyń negizgi tiregi, - dedi ol.

Úkimet basshysy tıisti sala basshylaryna metallýrgııanyń ornyqty damýyn qamtamasyz etýdi tapsyrdy.

- Óndiristiń áleýetin tolyq iske asyrýǵa baǵyttalǵan sharalar qabyldaý mańyzdy. Jyl qorytyndysy boıynsha ekonomıkanyń ósý qarqynyn saqtap qalý qajet, - dedi Premer-mınıstr.

Aıta keteıik, búgin Úkimette 11 aıdyń áleýmettik-ekonomıkalyq damý qorytyndysy qaralyp jatyr.