Oljas Bektenov Kids go free baǵdarlamasyn jalǵastyrýdy tapsyrdy
ASTANA. KAZINFORM – Premer-Mınıstr Oljas Bektenov Kids go free baǵdarlamasyn jalǵastyrýdy tapsyrdy.
Búgin Úkimet otyrysynda Premer-Mınıstr Týrızm jáne sport mınıstri Ermek Marjyqpaevtan Kids go free baǵdarlamasy bıyl da jalǵasý múmkin be ekendigin suraǵan edi.
«Jalǵastyramyz. 2022 jyly baǵdarlamany 700 bala qoldansa, ótken jyly olardyń sany 2 myńǵa jetti», - dep jaýap berdi mınıstr.
Osy oraıda Úkimet basshysy da Kids go free baǵdarlamasyn jalǵastyrý qajettigin basa aıtty.
«Bul ishki týrızmdi damytýǵa baǵyttalǵan jaqsy baǵdarlama dep oılaımyn. Jalǵastyryńyz», - dedi Oljas Bektenov.
Kids go free baǵdarlamasynyń mynadaı basymdyqtary bar:
• el ishinde kez kelgen qalaǵa 2 men 17 jasty qosa alǵandaǵy aralyqtaǵy balalar tegin ushady.
• ushaq bıleti týrıstik kompanııalar arqyly alynady.
• tegin bılet bala sanyna qaramaıdy, ıaǵnı ata-ana qansha balamen ushsa da, ol tegin bolmaq. Baǵdarlamanyń bul artyqshylyǵy ásirese, kópbalaly otbasylarǵa óte tıimdi.
• Kids Go Free baǵdarlamasy engizilgen týrıstik kompanııalar sany kúnnen-kúnge artyp keledi.
• joba qoldanýshylary ósse, tegin ushýdy rásimdep beretin týrfıra sany da artady.
Tegin áýe bıletterin alýda esh kedergi joq. Sebebi ata-anasymen birge saıahattaıtyn bala sany men saıahattaý kólemine shekteý bolmaıdy. Saıahatqa shyqqan ár balanyń jol júrý bıletin memleket óz moınyna aldy.
