Oljas Bektenov Qazposhtanyń qyzmeti týraly: shyǵyny kóp bolǵandyqtan, damı almaı otyr

ASTANA. KAZINFORM – Úkimet basshysy Oljas Bektenov bir aıdyń ishinde ulttyq poshtany damytýdyń josparyn ázirleýdi tapsyrdy.

- Ulttyq operator – «Qazposhtanyń» qazirgi áleýetin kúsheıtýimiz kerek. Búginde el ishinde «Qazposhtanyń» qyzmet aýqymy keń. Fılıaldary da jetkilikti. Soǵan sáıkes, kompanııanyń shyǵyndary da kóp bolǵandyqtan, belsendi damı almaı otyr. Tsıfrlyq damý, ınnfovatsııalar jáne aeroǵarysh ónerkásibi mınıstrligi jáne Saýda jáne ıntegratsııa mınıstrligimen ulttyq poshta operatoryn damytý boıynsha tıisti jospardy bir aı merzimde ázirlesin, - degen tapsyrma júktedi Oljas Bektenov Úkimet otyrysynda.

Eske salaıyq, jaqynda áleýmettik jelilerde Qazposhta joǵalǵan sálemdemelerdi tómen baǵaǵa satady degen habarlama taraǵan edi. Qazposhta kompanııasy atalǵan jaıtqa qatysty resmı túsinikteme berdi.

Aıta ketsek, aýyldyq jerlerdegi «Qazposhta» bólimsheleri memlekettik qyzmetter kórsetýi múmkin.