Oljas Bektenov Qazaqstannyń Túrkııamen tyǵyz yntymaqtastyqqa daıyn baǵyttaryn atady
ASTANA. KAZINFORM – Qazaqstan Túrkııany «Derekterdi óńdeý ortalyqtary alqaby» ınfraqurylymyn birlesip damytýǵa shaqyrady. Bul týraly Úkimet úıinde Túrkııa Vıtse-prezıdenti Jevdet Iylmazben Saýda-ekonomıkalyq yntymaqtastyq jónindegi komıssııanyń 14-otyrysyn ótkizip jatqan Premer-mınıstr Oljas Bektenov aıtty.
- Qazaqstan Úkimetiniń aldynda el ekonomıkasynyń barlyq salalaryn jańǵyrtý úshin jasandy ıntellektini tolyqqandy engizý mindeti tur. Astanada Ortalyq Azııadaǵy eń iri eki sýperkompıýter klasteri iske qosylyp, Alem.AI halyqaralyq jasandy ıntellekt ortalyǵy ashyldy. Investorlarǵa arnalǵan «Derekterdi óńdeý ortalyqtary alqaby» jobasy arnaıy salyq jeńildikteri men energetıkalyq usynystar arqyly iske asyrylyp jatyr. Qazaqstan osy ınfraqurylymdy birlesip damytýǵa shaqyrady, - dedi Oljas Bektenov.
Úkimet basshysy Túrki memleketteri uıymynyń aıasynda Kıberqaýipsizdik keńesin jáne CubeSat-12U serigin birlesip jasaý jobasy iske asyrylyp jatqanyn aıtty.
- IT-bilim berý, fınteh, kıberqaýipsizdik jáne elektrondyq qyzmetter salalarynda da birlesken jumysqa úlken múmkindik bar. Qazaqstan Túrkııamen osy baǵyttardyń barlyǵynda tyǵyz áriptestikke daıyn, - dedi Premer-mınıstr.
Aıta keteıik, Qazaqstan túrik ınvestorlaryna birlesken jobalardy iske asyrý úshin memlekettik qoldaý quraldaryn usynýǵa daıyn.
