Oljas Bektenov «Kazakh Tourism» basshysyna: Nátıje bolmasa, qoshtasamyz

ASTANA. KAZINFORM – Premer-mınıstr Oljas Bektenov Úkimet otyrysynda «Kazakh Tourism» ulttyq kompanııasy» aktsıonerlik qoǵamynyń basqarma tóraǵasy Talǵat Ǵazızovke laýazymyna laıyq ekenin dáleldeý úshin nátıje kórsetý kerektigin eskertti.

- Talǵat Janatuly, siz osy qyzmetke jańadan kelip otyrsyz. Biraq soǵan qaramastan ózińizden naqty nátıje kútemiz. Nátıje bolsa, ári qaraı jumys isteı beresiz. Nátıje bolmasa, qoshtasamyz, Kelistik pe, - dedi Oljas Bektenov.

Aıta keteıik, búgin Úkimet otyrysynda Mınıstrler kabınetiniń músheleri týrızmdi damytý máselelerin qarap jatyr. 

Sonymen qatar 2026-2030 jyldarǵa arnalǵan «Qazaqstan balalary» tujyrymdamasyn pysyqtaıdy.

Otyrys qorytyndysynda baspasóz máslıhaty ótedi. Onda Týrızm jáne sport mınıstri Erbol Myrzabosynov pen Oqý-aǵartý mınıstri Juldyz Súleımenova BAQ ókilderiniń saýaldaryna jaýap beredi.