Oljas Bektenov «Halyqtyq qurylys» baǵdarlamasynyń mańyzyn atap ótti
ASTANA.KAZINFORM – Úkimet basshysy Oljas Bektenov Úkimet otyrysynda Memleket basshysynyń halyqqa Joldaýynda belgilengen mindetterdi júzege asyrýdyń mańyzdylyǵyna toqtaldy.
Onyń aıtýynsha, Prezıdent Qasym-Jomart Toqaev «Jańa tarıhı kezeńdegi Qazaqstannyń ózekti mindetteri» atty Joldaýynda Ádiletti, Kúshti, Taza jáne Ozyq Qazaqstandy qurýdy basty maqsat retinde aıqyndady.
– Oǵan qol jetkizý úshin elimizdiń mol áleýeti men qazirgi zamanǵy ınnovatsııalyq jaǵdaıda ashylyp otyrǵan orasan zor múmkindikterdi barynsha tıimdi paıdalanýymyz qajet, – dedi Oljas Bektenov.
Úkimet basshysynyń sózinshe, Memleket basshysy jarııalaǵan aýqymdy «Halyqtyq qurylys» baǵdarlamasy ekonomıkanyń barlyq salasynda túbegeıli ınfraqurylymdyq ózgerister júrgizýge jáne reformalardy iske asyrýǵa jol ashady.
Sonymen qatar bul jalpyhalyqtyq joba jumyspen qamtý deńgeıin arttyryp, azamattardyń ál-aýqatyn jaqsartýǵa tyń serpin bermek.
– Bul Joldaý – aldaǵy kezeńge arnalǵan mazmundyq turǵydan eń aýqymdy baǵdarlamalyq qujat. Ony júzege asyrý úshin naqty is-qımyl josparyn ázirleýimiz kerek, – dep atap ótti Úkimet basshysy.
Aıta keteıik, Úkimet Prezıdent Joldaýyn iske asyrý sharalaryn qarastyrady.
