Oljas Bektenov ExxonMobil Upstream kompanııasynyń prezıdenti Den Ammanmen kezdesti
ASTANA. KAZINFORM – Premer-mınıstr Oljas Bektenov ExxonMobil Upstream kompanııasynyń prezıdenti Den Ammanmen kezdesý ótkizdi. Onda yntymaqtastyqtyń ózekti máseleleri jáne munaı-gaz salasyndaǵy birlesken jobalardy júzege asyrý barysy, sondaı-aq ınvestıtsııalyq ózara is-qımyldy keńeıtý perspektıvalary talqylandy. Bul týraly Úkimettiń baspasóz qyzmeti habarlady.
Oljas Bektenov ExxonMobil kompanııasynyń Qazaqstandaǵy munaı-gaz sektory áleýetin nyǵaıtýǵa qosqan úlesin atap ótti. Úkimet ózara tıimdi áriptestikti nyǵaıtýǵa, qoldanystaǵy jobalardy tabysty júzege asyrýǵa jáne yntymaqtastyqtyń jańa múmkindikterin qalyptastyrýǵa múddeli.
Den Ammann ExxonMobil kompanııasynyń Qazaqstandaǵy qyzmetiniń keleshegine qatysty josparlaryn usynyp, kompanııanyń elimizdiń munaı-gaz salasyndaǵy uzaqmerzimdi qatysýyn saqtaýǵa nıetti ekenin rastady.
Jıyn barysynda zamanaýı tehnologııalardy engizýge, óndiristik protsesterdiń tıimdiligin arttyrýǵa jáne geologııalyq barlaý jumystaryn damytýǵa kóńil bólindi.
Kezdesý qorytyndysy boıynsha taraptar yntymaqtastyqtyń negizgi baǵyttary boıynsha birlesken jumysty jalǵastyrýǵa daıyn ekenin jetkizdi.
Aıta keteıik, Oljas Bektenov avtobólshek óndirisiniń josparyn bir aıda ázirleýdi tapsyrdy.
