Oljas Bektenov: Elıtalyq mektepterge bıýdjetten qarjy bólýdi toqtatý kerek
ASTANA. KAZINFORM — Jeke menshik mektepterdiń standartqa sáıkestigi tekseriledi. Premer-mınıstr Oljas Bektenov Úkimet otyrysynda osyndaı tapsyrma berdi.
— Oqý-aǵartý mınıstrligine óńir ákimdikterimen birlesip, jańadan ashylatyn jeke menshik mektepterde memlekettik tapsyrysty ornalastyrýǵa moratorıı engizýdi tapsyramyn. Memlekettik qarjylandyrýmen óńirlerdiń oqýshy oryndaryna degen shuǵyl qajettiligin jabatyn jekemenshik mektepter ǵana qamtamasyz etilgeni jón. Qymbat elıtalyq mektepterdi qarjylandyrýdy toqtatý kerek, — dedi Úkimet basshysy.
Oljas Bektenov Oqý-aǵartý mınıstrligine bir aıdyń ishinde jeke menshik oqý oryndarynyń jańa standarttarǵa sáıkestigin tekserýdi tapsyrdy.
— Nátıjesi boıynsha aqparat engizilsin, — dedi Premer-mınıstr.
Sondaı-aq, búgingi Úkimet otyrysynda jańadan ashylatyn jekemenshik mektepter memlekettik tapsyrysty oryndaı almaıtyny málim boldy.