Oljas Bektenov Ekibastuzda energetıkany damytý máseleleri boıynsha keńes ótkizdi
PAVLODAR. KAZINFORM – KAZINFORM – Premer-mınıstr Pavlodar oblysyna jumys sapary barysynda Prezıdenttiń energetıka salasyna qatysty tapsyrmalarynyń oryndalý barysyn tekserdi. Bul týraly QR Úkimeti málim etti.
Oljas Bektenov Ekibastuzda GRES-1-di jańǵyrtý nátıjelerimen, taza kómir tehnologııasyn paıdalana otyryp, GRES-2-ni rekonstrýktsııalaý jáne GRES-3 stansasy qurylysy jobalaryn júzege asyrýdyń bastalýymen tanysty.
Munda ekonomıkanyń ósip kele jatqan qajettilikteri, jańa óndiris oryndaryn iske qosý jáne belsendi tsıfrlandyrý aıasynda salany damytý máseleleri boıynsha respýblıkalyq keńes ótti. Bolat Nurjanov atyndaǵy GRES-1 jáne GRES-2 quramyna kiretin Ekibastuz energııa toraby nysandarynyń jalpy belgilengen qýaty 5 myń MVt-qa jetedi, bul Ekibastuzdy elektr energııasyn óndirýde strategııalyq mańyzdy ortalyqqa aınaldyrady.
Jalpy, Pavlodar oblysy respýblıkadaǵy elektr energııasynyń 40%-dan astamyn óndiredi. GRES-1-di jańǵyrtý aıasynda ótken jyldyń jeltoqsan aıynda qýaty 540 MVt bolatyn № 1 energoblok qalpyna keltirilip, paıdalanýǵa berildi. 2026-2028 jyldary otynmen qamtamasyz etý júıelerin rekonstrýktsııalaý jáne jańa tútin murjasyn salý josparlanyp otyr. Sonymen qatar protsesterdi avtomattandyrý, shyǵaryndylardy baqylaý jáne qandaı da bir oqys oqıǵalardyń aldyn alý boıynsha baıandama jasaldy.
Premer-mınıstr Oljas Bektenovtiń tóraǵalyǵymen ótken energetıkany damytý máseleleri jónindegi respýblıkalyq keńeste salanyń negizgi baǵyttary, onyń ishinde jańa qýat kózderin iske qosý, ınfraqurylymdy jańǵyrtý, Batys aımaqtyń elektr jelilerin elimizdiń Biryńǵaı elektr energetıkalyq júıesimen biriktirý, energııa tıimdiligin arttyrý jáne basqa da máseleler qaraldy.
Energetıka mınıstri Erlan Aqkenjenov, ónerkásip jáne qurylys mınıstri Ersaıyn Naǵaspaev, «Samuryq-Energo» AQ jáne «KEGOC» AQ kompanııalary basshylyǵy, sondaı-aq birqatar óńir ákimderi baıandama jasady. Qazaqstanda 227 elektr stansasy jumys isteıdi. Stansa jabdyqtarynyń ortasha tozý deńgeıi 56%-ǵa jetedi. Ótken jyldyń qorytyndysy boıynsha elektr energııasyn óndirý kólemi 4%-ǵa ósti.
Jańa qýat kózderin iske qosý qoldanystaǵy stansalardy jańǵyrtý jáne jańa generatsııalaıtyn qondyrǵylar salý esebinen boljanyp otyr. Energetıka mınıstri Erlan Aqkenjenov ótken jyly 771 MVt jańa qýat kózi, onyń ishinde Ekibastuz GRES-1-degi № 1 blok qalpyna keltirilgenin, Atyraý JEO-daǵy № 6 týrbına, Jezqazǵan qalasyndaǵy JEO-da № 8 qazandyq aýystyrylǵanyn, sondaı-aq jalpy qýaty 163 MVt balamaly energetıka jobalary iske qosylǵanyn aıtty. Generatsııalaıtyn qondyrǵylardy jańǵyrtýǵa, keńeıtýge, rekonstrýktsııalaýǵa jáne jańartý boıynsha jalpy qýaty shamamen 2 GVt bolatyn 14 ınvestıtsııalyq kelisim jasaldy. Bıyl 621 MVt, 2026 jyly — 2,6 GVt iske qosý josparlanǵan.
Ekonomıkanyń elektr energııasyna degen qajettiligin óteý úshin 2029 jylǵa deıin 68 joba júzege asyrylady. Jalpy, 2035 jylǵa deıin jalpy qýaty 4,2 GVt qoldanystaǵy stansalardy jańǵyrtý, rekonstrýktsııalaý jáne keńeıtý josparlanyp otyr. Sonymen qatar Aqtóbe, Batys, Sarybaı júıearalyq elektr jelileri KEGOC fılıaldarynyń 220-500 kV áýe jelisin rekonstrýktsııalaý jobasy aıaqtaldy, onyń sheńberinde normatıvtik paıdalaný merzimine jetken jalpy uzyndyǵy 2 myń shaqyrymdy quraıtyn qoldanystaǵy 24 elektr berý jelisine jóndeý júrgizildi. Sondaı-aq Almaty JEO-2 jáne JEO-3-ti jańǵyrtý jumystarynyń barysy týraly aıtyldy.
Ónerkásip jáne qurylys mınıstri Ersaıyn Naǵaspaev elimizdiń iri kásiporyndarymen ekonomıkanyń energııa syıymdylyǵyn jáne energııa tutynýdy tómendetý boıynsha júrgizilip jatqan jumystar týraly baıandady. Іske asyrylǵan birqatar joba ataldy. «KarTsement» kásipornyndaǵy sorǵy jabdyqtaryn jańǵyrtý elektr energııasynyń úlestik shyǵynyn 15,4%-ǵa tómendetýge múmkindik berdi. Qazaqstan elektrolız zaýyty elektrolızerler men oqshaýlanǵan elektr qazandyqtaryn kúrdeli jóndeýden ótkizip, elektr energııasyn tutynýdy 4,5%-ǵa azaıtty. Aqtóbe mys kompanııasy gaz porshendi qondyrǵylar jumysyn ońtaılandyrý jáne otyn qospasyn berýdi retteý arqyly elektr energııasynyń shyǵynyn 2%-ǵa qysqartty. Sondaı-aq bıýdjettik sektordyń energııa tutynýyna monıtorıng júrgizilýde. Tsıfrlandyrý sheńberinde Memlekettik energetıkalyq tizilim energııa únemdeý salasyndaǵy Biryńǵaı aqparattyq júıege transformatsııalanýda.
— Prezıdent energetıkany ózin-ózi qamtamasyz etetin ári básekege qabiletti el qurýdyń negizgi baǵyttarynyń biri retinde atady. Bul tabysty tsıfrlandyrý men jasandy ıntellektini keńinen engizý — oǵan tikeleı táýeldi bolatyn jańa álemdegi turaqty ilgerileýdiń negizgi faktory. Bul jerde Memleket basshysy atap ótkendeı, Qazaqstanda orasan zor múmkindikter bar. Sonymen qatar josparlanǵan jobalardyń ýaqtyly oryndalmaýy ekonomıkanyń damýyn tejeıdi. Mundaı jaǵdaıǵa jol berýge bolmaıdy. Biz belsendi túrde jumys isteýimiz kerek. Birqatar iri joba qazirdiń ózinde elektr qýatyn qajet etip otyr, — dedi Oljas Bektenov.
Mańyzdy jobalar qatarynda Semeı, Óskemen jáne Kókshetaý qalalarynda zamanaýı kómir stantsııalaryn iske qosý, Ekibastuz qalasyndaǵy zamanaýı GRES-3 stantsııasynyń qurylysy atap ótildi. Keńes sońynda birqatar tapsyrma berildi. Bıyl KEGOC Batys aımaqtyń elektr jelilerin BEJ-ben biriktirý úshin qurylys-montajdaý jumystaryn bastaýy qajet, jumys 2027 jyly aıaqtalýy tıis. Atalǵan joba tutynýshylardy elektrmen jabdyqtaý senimdiligin arttyrady. Premer-mınıstr kómir hımııasyn damytýǵa basa nazar aýdaryp, joǵary óńdelgen ónim óndirý úshin kómirdi óńdeýdiń ınnovatsııalyq tehnologııasyn belsendi paıdalanýdy tapsyrdy.
Buǵan deıin habarlanǵandaı, Oljas Bektenov Pavlodar oblysyna jumys sapary aıasynda óńirdegi ónerkásipterdi aralady.