Oljas Bektenov Daı Daogomen «jasyl» energetıka salasyndaǵy yntymaqtastyq perspektıvalaryn talqylady
ASTANA. KAZINFORM - QR Premer-mınıstri Oljas Bektenov qytaılyq «Hýnan Tszıýnsın Hýanbao» kompanııasynyń dırektorlar keńesiniń tóraǵasy Daı Daogomen kezdesý ótkizdi. Onda «jasyl» energetıka jáne qaldyqtarmen jumys isteý salasyndaǵy yntymaqtastyq perspektıvalary talqylandy.
Úkimettiń baspasóz qyzmeti habarlaǵandaı, «Hýnan Tszıýnsın Hýanbao» – Qytaıdyń jasyl tehnologııalar salasyndaǵy kóshbasshylarynyń biri. Kezdesý barysynda qaldyqtardy qaıta óńdeý boıynsha birlesken ınvestıtsııalyq jobalardy júzege asyrý perspektıvalary qaraldy.
Premer-mınıstr Memleket basshysy Qasym-Jomart Toqaevtyń ekologııalyq jańǵyrtý men ornyqty damýdyń mańyzdylyǵyna basa nazar aýdaryp otyrǵanyn atap ótti.
Qazaqstan «jasyl» transformatsııany memlekettik saıasattyń negizgi basymdyqtarynyń biri retinde qarastyrady. Búgingi tańda elimizde Waste to Energy tetigi boıynsha jobalardy júzege asyrý úshin qajetti quqyqtyq baza bar. Úkimet osy saladaǵy halyqaralyq tehnologııalyq kompanııalarmen yntymaqtastyqqa ashyq.
Kezdesý qorytyndysy boıynsha taraptar odan ári ózara is-qımylǵa múddeliligin jetkizdi jáne seriktestik qatynastardy keńeıtý áleýetin atap ótti.
Qazaqstandyqtar jasyl energetıka salasynda qandaı patentter tirkegenin jazǵan bolatynbyz.