Oljas Bektenov Chehııa Premer-mınıstrimen kezdesti
ASTANA. KAZINFORM — Búgin Astanada QR Premer-mınıstr Oljas Bektenov men Chehııa Premer-mınıstri Andreı Babısh kezdesý ótkizdi.
O. Bektenov kezdesý barysynda Qazaqstan men Chehııa arasynda qarym-qatynas damyp kele jatqanyn, bul el Eýropa odaǵyndaǵy mańyzdy ári senimdi seriktesterdiń biri ekenin aıtty. Osy oraıda Chehııa Premer-mınıstriniń Qazaqstanǵa sapary yntymaqtastyq pen iskerlik baılanystardy nyǵaıtýǵa qyzyǵýshylyqtyń artyp kele jatqanyn kórsetedi.
Sonymen qatar, QR Úkimet basshysy búgin elordadaǵy Qazaqstan-Chehııa bıznes forýmy tikeleı baılanystardy nyǵaıtýǵa serpin beretinin sóz etti.
Oljas Bektenovtiń sózine qaraǵanda, Chehııa Qazaqstannyń Eýropadaǵy mańyzdy saýda jáne ekonomıkalyq seriktesteriniń biri. Bul rette taýar aınalymy kólemi artyp keledi.
Munymen qosa Premer-mınıstr elimizde cheh kapıtalynyń qatysýymen 150-ge jýyq kompanııa bar ekenin aıtty.
Úkimet basshysy Chehııa kásipkerleriniń Qazaqstanǵa ınvestıtsııa salýyn quptaıtynyn jáne ońtaıly ınvestıtsııalyq ahýaldy qamtamasyz etýde jan-jaqty qoldaý jasalatynyn atap ótti.
— Bul sharalar elimizde júrgizilip jatqan keshendi áleýmettik-ekonomıkalyq reformalarymyzǵa sáıkes keledi. Jalpy, Qazaqstan Úkimeti Chehııamen qarym-qatynasty odan ári damytýǵa múddeli jáne ekonomıkanyń basym salalarynda jańa birlesken jobalardy júzege asyrýǵa daıyn, — dedi Oljas Bektenov.
Aıta keteıik, buǵan deıin Qazaqstan men Chehııa arasynda ónerkásiptik yntymaqtastyq nyǵaıa túsetinin jazǵan edik.
