Oljas Bektenov Býhgalterler odaǵynyń usynysyna qoldaý bildirdi

ASTANA. KAZINFORM — Búgin Úkimet otyrysynda Premer-mınıstr Oljas Bektenov Býhgalterler odaǵynyń bıznesti tegin oqytý jáne keńes berý baǵdarlamasyn ázirleý usynysyna qoldaý bildirdi. 

— Búgin Býhgalterler odaǵy bıznesti tegin oqytý jáne keńes berý baǵdarlamasyn iske qosý jóninde ıgi bastama kóterdi. Memlekettik organdarǵa bul protsesti tolyq qoldap, járdem kórsetýdi tapsyramyn. Jumys barlyq jerde, tipti aýyl-aımaqtarǵa deıin júrgizilýge tıis. Býhgalterler odaǵy, salalyq qaýymdastyqtar men uıymdar memlekettik kirister organdary men ákimdikterdiń qajetti ınfraqurylymyn paıdalana alady, — dedi Oljas Bektenov.

Osy oraıda Úkimet basshysy Qarjy mınıstrligine ásirese, memlekettik kirister organdaryna jumys tásilin túbegeıli ózgertýi kerektigin eskertti.

— Buzýshylyqtardyń profılaktıkasy men aldyn ala eskertýge basa nazar aýdarý kerek. Fıskaldyq organdar salyq tóleýshiler úshin serikteske aınalýy qajet. Biz bárimiz birge bıznes úshin salyq tóleýden jaltarǵannan góri, taza jumys istep, ony tóleý tıimdi bolatyndaı jaǵdaı jasaımyz. Bul baǵytta keshendi ári úılesimdi jumys júrgizilýge tıis. Biz ári qaraı da tsıfrlyq platformalardy damytyp, ákimshilik rásimderdi jeńildetemiz, ınklıýzıvtilikti qoldap, ornyqty ósý úshin shaǵyn bıznesti qajetti quraldarmen qamtamasyz etemiz, — dedi Premer-mınıstr.

Aıta keteıik, Úkimet «Іsker aımaq» biryńǵaı baǵdarlamasyn bekitti.