Oljas Bektenov birqatar azamatqa Prezıdent atynan memlekettik nagradalardy tabys etti
ASTANA. KAZINFORM – Basty jalpyulttyq mereke – Respýblıka kúni qarsańynda Premer-mınıstr Oljas Bektenov Prezıdent Qasym-Jomart Toqaevtyń atynan elimizdiń áleýmettik-ekonomıkalyq damýyna eleýli úles qosqan azamattarǵa memlekettik nagradalardy tabys etti. Bul týraly Úkimettiń baspasóz qyzmeti habarlady.
– Prezıdentimiz Qasym-Jomart Toqaevtyń basshylyǵymen bárimiz bir el bolyp, aýqymdy saıası reformalardy tabysty júzege asyrdyq. Egemendiktiń berik tuǵyryna aınalǵan jańa Konstıtýtsııamyz zańdy kúshine enip, memlekettik basqarý júıesi túbegeıli qaıta jańǵyrdy. Qazaqstan azamattarynyń jasampaz rýhynyń arqasynda biregeı saıası oqıǵalardy jaýapkershilikpen ári joǵary uıymshyldyqpen atqaryp, halyqtyń ál-aýqatyn arttyrý úshin asa mańyzdy bastamalardy qolǵa aldyq, - dep atap ótti Oljas Bektenov.
Premer-mınıstr elimizdiń árbir mańyzdy jetistigi óz isine shynaıy berilgen adamdardyń kúndelikti eńbegine baılanysty ekenin atap ótti. Memlekettik nagradalar – elimizdiń damýyna úles qosqan azamattarymyzdyń qajyrly eńbekterine degen qurmet pen laıyqty baǵalaýdyń kórinisi. Eńbek adamynyń róline jáne «Adal azamat» qundylyqtaryna erekshe mán berildi. Bul ıdeıanyń negizinde eńbekqorlyq, iskerlik, jaýapkershilik pen bilimge degen umtylys jatyr. Elimizdiń odan ári damýy Prezıdenttiń Ádiletti, Ozyq, Kúshti ári Taza Qazaqstandy qurý baǵytyn júzege asyrýda barlyq qazaqstandyqtardyń birlesken kúsh-jigerin qajet etedi.
Qazaqstan Respýblıkasy Prezıdentiniń Jarlyǵyna sáıkes birqatar azamatqa memlekettik nagradalar men qurmetti ataq berildi.
Marapattalǵandar:
ІІІ dárejeli «Barys» ordenimen
Tımýr Qaraǵoıshın –«Memlekettik vedomstvodan tys jobalarǵa saraptama» RMKQ bas dırektory.
ІІ dárejeli «Dostyq» ordenimen
Nıkolaı Podgýzov – Eýrazııalyq damý bankiniń basqarma tóraǵasy.
«Qurmet» ordenimen
Rostıslav Konıashkın – Jasandy ıntellekt jáne tsıfrlyq damý birinshi vıtse-mınıstri;
Shyńǵys Orazálimov – «Ulttyq aqparattyq tehnologııalar» AQ basqarma tóraǵasynyń orynbasary;
Dııar Núsipqojanov – «Qazaqstan temir joly» ulttyq kompanııasy» AQ apparat basshysy.
