Oljas Bektenov BQO ákimin jol sapasyna qatysty synady

ASTANA. KAZINFORM – Úkimet basshysy Oljas Bektenov Batys Qazaqstan oblysynyń ákimi Narıman Tóreǵalıevtiń óńirdegi jol salasyndaǵy atqarylǵan jumysyn synǵa aldy.

- Narıman Tóreǵalıuly sizderde joldyń jaǵdaıy álide nashar bolyp otyr. Ózgeris shamaly, qandaı sharalar qabyldap jatsyzdar? Jaǵdaı qashan jaqsarady? Jyldan jylǵa jaqsy joldardyń úlesi artý kerek qoı. Sizderde kerisinshe, tómendep bara jatyr, tek qana respýblıkaǵa qarap máseleni aıtpaı, sheshý kerek. Jergilikti bıýdjetten qarjyny qarastyrý qajet, - dedi Oljas Bektenov Úkimet otyrysynda. 

Óz kezeginde BQO ákimi óńirde joldyń nashar ekenin moıyndady. 

- Ózińizge málim, táýelsizdik alǵannan keıin óńirdegi joldyń normatıvtik úlesi óte tómen. Oblys boıynsha avtomobıl jolynyń jalpy uzyndyǵy 6183 shaqyrym. Úkimettiń qoldaýymen 2023-2025 jyldarǵa jalpy sıpattaǵy transfert túrinde 66 mlrd teńge qarastyryldy. Jospar boıynsha úsh jylda 2 myń shaqyrym jergilikti jol salý josparlandy, - dep jaýap berdi Narıman Tóreǵalıev Premer-Mınıstrdiń saýalyna. 

Buǵan deıin habarlaǵanymyzdaı elimizde jol salýǵa arnalǵan jer telimderiniń qoldanys maqsatyn ózgertýge moratorıı jarııalanady.