Oljas Bektenov: Biz sapaly qyzmet pen qolaıly jaǵdaı jasaýymyz qajet

QYZYLORDA. QazAqparat - «Halyq únine qulaq asatyn memleket» tujyrymdamasyna sáıkes Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov Qyzylorda oblysyna jumys sapary barysynda Qyzylorda qalasy men Tasbóget kentindegi servıstik ákimdikterdiń jumys barysymen tanysty, dep habarlaıdy QazAqparat vedomstvonyń baspasóz qyzmetine silteme jasap.

Azamattardyń qajettiligine baǵdarlaný – sybaılas jemqorlyqqa qarsy saıasattyń mańyzdy bóliginiń biri.

Osy turǵydan alǵanda, ashyqtyq, aıqyndyq jáne eseptilik arqyly memlekettik apparatty transformatsııalaý mańyzdy ról atqarady.

2020 jyldyń qorytyndysyna sáıkes Qyzylorda oblysy boıynsha barlyq qala, aýdan ákimdikteri servıstik qyzmet kórsetýge kóshti.

Qyzylorda qalasyndaǵy servıstik ákimdikte 6 bólim birneshe memlekettik qyzmet túrin kórsetedi. Kabınetter «Open space» formatynda jumys isteıdi.

Shara barysynda «Turmystyq sybaılas jemqorlyq azamattar úshin qolaıly jaǵdaı jasalmaǵan jerde taralady. Azamattar zańdy kómek alý úshin memlekettik qyzmetshige syılyq bermeýi tıis. Adaldyq, ashyqtyq pen ádildik – ár memlekettik qyzmetshiniń buljymaıtyn qaǵıdasyna aınalýy tıis», - dep atap ótti Oljas Bektenov.

Sondaı-aq, turǵyndar «bir tereze» qaǵıdaty boıynsha azamattarǵa jedel jáne kedergisiz qyzmet kórsetýge baǵdarlanǵan jergilikti servıstik ákimdiktiń jumysyn oń baǵalady.