Oljas Bektenov: Basty mindet – ınflıatsııany 10%-dan tómen deńgeıde ustap turý
ASTANA. KAZINFORM – Bıyl 9 aıdyń qorytyndysynda jyldyq ınflıatsııa baıaýlap, 9,3 paıyzdy qurady. Bul týraly búgin Úkimet otyrysynda Premer-mınıstr Oljas Bektenov aıtty.
- Jyl sońyna deıin 2,5 aı ýaqyt qaldy. Munaı sektorynyń tómendeýine qaramastan, bıyl elimizdiń ekonomıkasy 4,2%-ǵa ósti. Bul rette shıkizattyq emes sektor ekonomıkalyq ósimniń negizgi faktory bolyp qalyp otyr. Atap aıtqanda, qurylys, óńdeý ónerkásibi, kólik, saýda jáne aýyl sharýashylyǵy salalarynda oń dınamıka qalyptasty. Bulardyń jalpy ishki ónimniń ósýine qosqan jıyntyq úlesi shamamen 80,5%-dy quraıdy. Atalǵan baǵyttarda ósý áleýeti budan da joǵary, sondyqtan qolda bar rezervterdi tolyq iske qosý qajet. Ony óńdeý ónerkásibi, aqparat, baılanys, qurylys jáne aýyl sharýashylyǵy salalaryndaǵy joǵary ınvestıtsııalyq belsendilikten, sondaı-aq shıkizattyq emes eksport kórsetkishterinen de baıqaýǵa bolady, - dedi Úkimet basshysy.
Onyń aıtýynsha, ozyq qarqynmen ósken eksporttyń arqasynda 2026 jyldyń birinshi jartyjyldyǵynda tólem balansynyń aǵymdaǵy shotynda 2,4 mlrd dollar kóleminde profıtsıt qalyptasty.
- Ekonomıkalyq ósim barynsha teńgerimdi ári sapaly sıpat alyp keledi. Bul elimizdiń óndiristik áleýetin odan ári keńeıtý úshin negiz qalyptastyryp otyr. Úkimet pen Ulttyq banktiń úılesimdi jumysy ınflıatsııalyq qysymdy tómendetýge múmkindik berdi. 9 aıdyń qorytyndysy boıynsha jyldyq ınflıatsııa baıaýlap, 9,3%-dy qurady. Bıyl basty mindet – ınflıatsııany 10%-dan tómen deńgeıinde ustap turý, - dedi Oljas Bektenov.
Buǵan deıin respýblıkalyq bıýdjet kiristeriniń ósýine qandaı faktorlar áser etkenin jazǵan edik.
