Oljas Bektenov barlyq memorganǵa Konstıtýtsııany túsindirý jónindegi is-sharalar josparyn júzege asyrýdy tapsyrdy

— Memleket basshysynyń tapsyrmasyna sáıkes kúni keshe Úkimet elimizdiń Konstıtýtsııasyn túsindirý jónindegi is-sharalar josparyn bekitti. Qazirgi tańda sarapshylar men qoǵam qaıratkerleriniń qatysýymen Konstıtýtsııanyń barlyq novellalary boıynsha aqparattyq-túsindirý jumystary júıeli túrde júrgizilýde. Mádenıet jáne aqparat mınıstrligi ýákiletti memlekettik organdarmen jáne uıymdarmen birlesip, osy baǵytta josparly jumysty odan ári jalǵastyrýy qajet, — dedi Úkimet basshysy.

Premer-mınıstr Oqý-aǵartý, Ǵylym jáne joǵary bilim mınıstrlikterine halyqtyń quqyqtyq saýattylyǵyn qalyptastyrý jónindegi keshendi baǵdarlamany ýaqtyly ázirlep, Konstıtýtsııanyń tyń qaǵıdattaryn mektepter men kolledjderdiń jáne ýnıversıtetterdiń úlgilik oqý baǵdarlamalaryna engizýdi qamtamasyz etýdi tapsyrdy.

— Jańa Konstıtýtsııa normalaryn eskere otyryp, belgilengen merzimderde qoldanystaǵy zańnamaǵa keshendi taldaý júrgizip, barlyq zańdar men baǵdarlamalyq qujattardy ózektendirý jumystaryn aıaqtaý qajet. Barlyq ortalyq jáne jergilikti atqarýshy memlekettik organdarǵa Іs-sharalar josparyn júzege asyrýdy qamtamasyz etýdi tapsyramyn, — dedi Oljas Bektenov. 

Aıta ketelik Úkimet Konstıtýtsııany ilgeriletý jónindegi is-sharalar josparyn bekitken edi.