Oljas Bektenov aýtızmge shaldyqqan balalardyń kóbeıý sebebin atady
ASTANA. KAZINFORM — Elimizde 13,9 myń bala aýtızm spektriniń buzylýyna shaldyqqan. Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.
— Búginde psıhıkalyq ózgeriske ushyraý saldarynan múgedektigi bar balalardyń jalpy sany 32,4 myń adamdy quraıdy. Onyń ishinde aýtızm spektriniń buzylýy (ASB) bar balalar — 13,9 myń (42,9%). Sońǵy úsh jylda aýtızm saldarynan múgedektigi bar balalar sany 7,6 myńnan 13,9 myńǵa deıin (jyl saıynǵy ósim — 35%) artty. Olardyń sanynyń artýy anyqtaý deńgeıiniń jaqsarýy, erte dıagnostıka jáne M-CHAT erte skrınıngin engizýmen baılanysty. Buryn ASB bar balalar statıstıkaǵa engizilmegen, — dedi Úkimet basshysy.
Onyń atap ótýinshe, 2025 jyly 2025-2027 jyldarǵa arnalǵan ASB bar balalarǵa kómek kórsetýdi jetildirý jónindegi vedomstvoaralyq jol kartasy bekitildi. Jol kartasy aıasynda ortalyq memlekettik organdardyń qatysýymen ASB-ny erte anyqtaý men dıagnostıkany jetildirýge baǵyttalǵan birqatar is-shara josparlanǵan.
Buǵan deıin Densaýlyq saqtaý mınıstrligi vaktsınatsııa men aýtızmniń damýy arasynda eshqandaı baılanys joq ekeni rastalǵanyn habarlaǵan edi.
