Oljas Bektenov: Aýtızmi bar balalardy tárbıelep otyrǵan otbasylardy qoldaý kerek
ASTANA. KAZINFORM – Premer-mınıstr Oljas Bektenov memlekettiń ınklıýzıvti saıasatyn jetildirýdiń jańa baǵyttaryn atady.
- Eńbek mınıstrligi múddeli memlekettik organdarmen birlesip, 1 qarashaǵa deıin múgedektigi bar adamdardyń quqyqtaryn qorǵaý máseleleri boıynsha zańnamalyq túzetýlerdi ázirlesin. Oqý-aǵartý mınıstrligi 1 qyrkúıekke deıin ınklıýzıvti bilim berýdiń, kadrlarmen qamtamasyz etýdi arttyrýdyń jáne qoldaý qyzmetterin kúsheıtýdiń sapaly jańa modelin engizsin, - dedi ol.
Úkimet basshysy aýtızmi bar adamdardy erte dıagnostıkalaý, úzdiksiz túzetý men pedagogıkalyq qoldaý arqyly damytyp, jumysqa ornalastyrý sharalaryn qamtıtyn birtutas saıasat qalyptastyrý qajettigin atap ótti.
- Mentaldyq aýytqýy bar balalardy tárbıeleıtin otbasylardy keshendi qoldaýdyń biryńǵaı vedomstvoaralyq júıesin qalyptastyrý kerek, - dedi Oljas Bektenov.
Sondaı-aq, ol Oljas Bektenov jeke kompanııalardy muqtaj adamdardy qoldaýǵa shaqyrdy.
