Oljas Bektenov atom ónerkásibin damytý máseleleri jóninde keńes ótkizdi
ASTANA. KAZINFORM — Qazaqstan Premer-mınıstri Oljas Bektenov Memleket basshysy Qasym-Jomart Toqaevtyń atom ónerkásibin damytý jónindegi tapsyrmalaryn júzege asyrý máseleleri boıynsha keńes ótkizdi. Bul týraly Úkimettiń baspasóz qyzmeti habarlady.
Jıyn barysynda Qazaqstan Respýblıkasynyń atom salasyn damytýdyń 2050 jylǵa deıingi strategııasy aıasynda jańa perspektıvaly ýran ýchaskelerin zertteý, geologııalyq barlaý jáne mıneraldyq-shıkizat bazasyn ulǵaıtý baǵytynda atqarylyp jatqan jumystarǵa nazar aýdaryldy.
«Qazatomónerkásip» ulttyq atom kompanııasynyń aýqymdy geologııalyq barlaý jumystaryn odan ári júrgizý jónindegi josparlary qaraldy.
Premer-mınıstr el ekonomıkasynyń uzaqmerzimdi ári turaqty damýyn qamtamasyz etý úshin atom energetıkasyn damytýdyń mańyzdy ekenin atap ótti. Jaýapty memlekettik organdar men uıymdarǵa ónerkásiptik áleýetti odan ári damytý jáne ken oryndaryn ıgerýden túsetin ulttyq ekonomıkalyq paıdany arttyrý jóninde birqatar tapsyrma berildi.
Atom energetıkasy álemde jańa múmkindikterge jol ashyp otyr. Qazaqstan bul úderiste qandaı qadamǵa daıyndalýy kerek? 28 qyrkúıek – Atom salasy qyzmetkerleri kúnine oraı Kazinform tilshisi sarapshylardyń pikirin bildi.
