Oljas Bektenov Atyraýda Sý tasqynyna qarsy is-sharalar jónindegi shtab otyrysyn ótkizdi
ATYRAÝ. KAZINFORM – Atyraýda Premer-Mınıstr Oljas Bektenovtiń jetekshiligimen Sý tasqynyna qarsy is-sharalardy úılestirý jáne sý tasqyny saldaryn joıý jónindegi respýblıkalyq shtabtyń kóshpeli otyrysy ótti. Oǵan beınekonferentsbaılanys rejıminde mınıstrlikter men oblys ákimdikteriniń basshylyǵy qosyldy.
Sý tasqyny jaǵdaıy turaqtalǵansha óńirlerge jiberilgen vıtse-premerlerdiń sý tasqynyna baılanysty qazirgi ahýal týraly baıandamalary tyńdaldy. Búgingi tańda 10 oblysta: Aqmola, Aqtóbe, Atyraý, Qaraǵandy, Qostanaı, Pavlodar, Batys Qazaqstan, Soltústik Qazaqstan, sondaı-aq Abaı jáne Ulytaý oblystarynda TJ rejımi saqtalyp otyr. Qazir jalpy elimiz boıynsha 15%, soltústik, shyǵys jáne ortalyq óńirlerde shamamen 40% aýmaqty qar basyp jatyr.
Avarııalyq-qutqarý jumystaryna 12 myńnan astam adam, 800-den astam tehnıka, 400-ge jýyq sý aıdaý jáne júzý quraly jumyldyryldy. TJ aımaqtarynan 70 myńnan astam adam evakýatsııalandy.
Sonymen qatar otyrysta Aýyl sharýashylyǵy mınıstrliginiń aqparaty tyńdaldy. Qabyldanǵan sharalardyń nátıjesinde sý basqan óńirlerde 60 myńnan astam mal basy qaýipsiz ýchaskelerge kóshirildi. Oǵan qosa sý basqan aımaqtarda epızootııalyq jaǵdaıdyń nasharlaýyna jol bermeý úshin mınıstrliktiń Respýblıkalyq epızootııaǵa qarsy jasaǵy oblys ákimdikterimen birlesip, janýarlardyń ólekselerin jınaý jáne joıý jumystaryn júrgizip jatyr. Búgingi tańda 1013 bas, onyń ishinde 133 ІQM, 809 usaq mal basy, 64 jylqynyń óleksesi joıyldy.
Sý tasqyny jaǵdaıy turaqtalǵansha óńirlerge jiberilgen vıtse-premerlerdiń sý tasqynyna baılanysty qazirgi ahýal týraly baıandamalary tyńdaldy. Búgingi tańda 10 oblysta: Aqmola, Aqtóbe, Atyraý, Qaraǵandy, Qostanaı, Pavlodar, Batys Qazaqstan, Soltústik Qazaqstan, sondaı-aq Abaı jáne Ulytaý oblystarynda TJ rejımi saqtalyp otyr. Qazir jalpy elimiz boıynsha 15%, soltústik, shyǵys jáne ortalyq óńirlerde shamamen 40% aýmaqty qar basyp jatyr.
Avarııalyq-qutqarý jumystaryna 12 myńnan astam adam, 800-den astam tehnıka, 400-ge jýyq sý aıdaý jáne júzý quraly jumyldyryldy. TJ aımaqtarynan 70 myńnan astam adam evakýatsııalandy.
Sonymen qatar otyrysta Aýyl sharýashylyǵy mınıstrliginiń aqparaty tyńdaldy. Qabyldanǵan sharalardyń nátıjesinde sý basqan óńirlerde 60 myńnan astam mal basy qaýipsiz ýchaskelerge kóshirildi. Oǵan qosa sý basqan aımaqtarda epızootııalyq jaǵdaıdyń nasharlaýyna jol bermeý úshin mınıstrliktiń Respýblıkalyq epızootııaǵa qarsy jasaǵy oblys ákimdikterimen birlesip, janýarlardyń ólekselerin jınaý jáne joıý jumystaryn júrgizip jatyr. Búgingi tańda 1013 bas, onyń ishinde 133 ІQM, 809 usaq mal basy, 64 jylqynyń óleksesi joıyldy.
Premer-Mınıstr, Shtab jetekshisi Oljas Bektenov kelesideı tapsyrmalar berdi:
- Densaýlyq saqtaý mınıstrligi sý basqan aımaqtardaǵy sanıtarııalyq-epıdemıologııalyq jaǵdaıdy, atap aıtqanda, aýyz sýdyń sapasyn baqylaýdy kúsheıtýi kerek;
- Aýyl sharýashylyǵy mınıstrligi epızootııalyq jaǵdaıdyń nasharlaýyna jol bermeı, úı jáne jabaıy janýarlarǵa qajetti veterınarııalyq baqylaýdy qamtamasyz etýge tıis;
- Іshki ister mınıstrligi evakýatsııalanǵan halyqtyń múlkiniń saqtalýyn qamtamasyz etý jóninde sharalar qabyldaýy qajet;
- ákimdikter evakýatsııalyq pýnktterdegi halyqty qajetti zattardyń barlyǵymen qamtamasyz etip, sondaı-aq qalpyna keltirý jumystary kezeńinde olardy ýaqytsha ornalastyrý máselesin pysyqtaýy qajet.
Jumys jalǵasýda. Eldegi sý tasqyny jaǵdaıy – Shtabtyń turaqty baqylaýynda.
