Oljas Bektenov Reseı Federatsııasynyń elshiligine baryp, kóńil aıtý kitabyna jazba qaldyrdy
ASTANA. KAZINFORM - Qazaqstan Respýblıkasynyń Premer-Mınıstri Oljas Bektenov Astana qalasyndaǵy Reseı Federatsııasynyń elshiligine baryp, Máskeýdegi «Krokýs Sıtı holl» oıyn-saýyq kesheninde jasalǵan lańkestik áreketke baılanysty kóńil aıtý kitabyna jazba qaldyrdy.
QR Úkimeti baspasóz qyzmetiniń habarlaýynsha, buǵan deıin Qazaqstan Úkimetiniń basshysy Reseı Úkimetiniń tóraǵasy Mıhaıl Mıshýstınge jáne qaza tapqandardyń otbasylaryna kóńil aıtyp, qoldaý bildiretini týraly telegramma joldaǵan bolatyn.
Eske sala ketsek, 22-shi naýryz kúni Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar bebit turǵyndarǵa oq jaýdyrǵan.
Sondaı-aq osy oqıǵa saldarynan 115 adamnyń mert bolǵanyn jazdyq.
Reseıde 24 naýryz Jalpyulttyq aza tutý kúni retinde jarııalandy.
