Oljas Bektenov AMANAT partııasy fraktsııasynyń keńeıtilgen jıynyna qatysty
ASTANA. KAZINFORM — Memleket basshysy Qasym-Jomart Toqaevtyń Qazaqstan halqyna kezekti Joldaýy qarsańynda Premer-mınıstr men Úkimet músheleriniń qatysýymen AMANAT partııasy fraktsııasynyń keńeıtilgen otyrysy ótti. Bul týraly Úkimettiń baspasóz qyzmeti habarlady.
Oljas Bektenov depýttardy Prezıdenttiń 2019-2024 jyldarǵa aralyǵyndaǵy Qazaqstan halqyna Joldaýy men «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynyń iske asyrylý barysy týraly habardar etti.
Májilis spıkeri, AMANAT partııasynyń tóraǵasy Erlan Qoshanov fraktsııanyń keńeıtilgen otyrysyn asha otyryp, Prezıdenttiń árbir Joldaýy — el damýynyń strategııalyq paıymy men azamattardyń eń ózekti suraqtaryna júıeli jaýap ekenin atap ótti.
— Memleket basshysynyń Joldaýlary men Prezıdenttiń saılaýaldy baǵdarlamasy — eń negizgi mańyzdy qujattar. Olardyń sapaly oryndalýy qoǵamnyń bılikke degen senimine negiz bolady. Adamdar naqty ózgeristerdi «osy jerde jáne dál qazir» kórgisi keledi. Bizdiń zań shyǵarýshylardyń da, Úkimettiń de ortaq mindeti — tapsyrmalardy sapaly jáne merziminde oryndaý. Sondyqtan bizdiń árbir saıası maýsymnyń basynda Úkimetpen «saǵat tilin salystyryp alý» tájirıbesin engizgenimiz kezdeısoq emes, — dedi Erlan Qoshanov.
Sóz sóıleý barysynda Premer-mınıstr Oljas Bektenov Úkimettiń Prezıdenttiń strategııalyq bastamalaryn oryndaý maqsatynda dáıekti jumystar júrgizip jatqanyn atap ótti. Jalpyulttyq jospar sheńberinde eldiń turaqty damýyna jáne azamattardyń ómir súrý sapasyn arttyrýǵa baǵyttalǵan aýqymdy jobalar iske asyrylýda.
— Memleket basshysynyń saıası baǵdarynyń arqasynda el ekonomıkasy ornyqty ósim kórsetip keledi. Jeti aıdyń qorytyndysyna sáıkes óńdeý ónerkásibinde oń úrdis saqtaldy. Taý-ken ónerkásibinde sırek jáne jerde sırek kezdesetin metaldardy ıgerý boıynsha ósýdiń jańa baǵyttaryn kórip otyrmyz, — dep atap ótti Oljas Bektenov.
Úkimet áleýmettik-ekonomıkalyq damý boljamyn jáne aldaǵy úsh jyldyq kezeńge arnalǵan respýblıkalyq bıýdjet jobasyn maquldap, Parlamentke engizdi. Bazalyq stsenarıı boıynsha úsh jyl ishinde ekonomıkanyń naqty ortasha jyldyq ósimi 5,3%-dy quraıdy.
— Salyq reformasynyń nátıjesinde ekonomıkanyń ósýin yntalandyratyn shyǵyndar 10,9%-dan 16,1%-ǵa deıin ósetinin atap ótken jón. Sonyń nátıjesinde biz bıznestiń damýyna ınfraqurylymdyq jáne qarjylyq turǵydan qoldaý kórsete alamyz. Sonymen qatar Memleket basshysy tapsyrǵandaı, biz bıýdjettiń áleýmettik baǵytyn saqtap, qabyldanǵan áleýmettik mindettemelerdiń tolyq oryndalýyn qamtamasyz etemiz, — dep atap ótti Premer-mınıstr.
Investıtsııalyq saıasatqa erekshe nazar aýdarylýda. Ótken jyldyń ózinde sheteldik kapıtaldyń qatysýymen jalpy quny $1,3 mlrd bolatyn 45 joba.
Jalpyulttyq pýlǵa shamamen $144 mlrd-ty quraıtyn 1100-den astam joba kiredi.
Oljas Bektenov ónerkásip óndirisiniń artqanyn, jyl basynan beri óndiris ındeksi ótken jylǵy kórsetkishten 6,9%-ǵa asyp túskenin atap ótti.
Premer-mınıstr bıyl 20 myńnan astam jumys ornyn qurylyp, óńdeý ónerkásibinde jalpy quny 1,5 trln teńge bolatyn 190 jańa jobany iske qosý josparlanyp otyrǵanyn atap ótti. Joǵary deńgeıde óńdelgen ónim shyǵaratyn klasterler qurý boıynsha 17 iri jobany júzege asyrý jalǵasýda. Bul bastamalar otandyq shıkizatty barynsha paıdalanýdy jáne qosalqy óndiristerdi damytýdy kózdeıdi. Agroónerkásip kesheninde ónimdilikti arttyrý jáne eksporttyq áleýetti nyǵaıtý boıynsha júıeli jumys júrgizilýde. Kóktemgi egis jumystaryn qarjylandyrý kólemin eki esege arttyrý nátıjesinde sharýalar egis naýqanyn sátti ótkizdi.
Búgingi tańda 15 óńirde egin oraǵy júrip jatyr, qazirdiń ózinde 6 mln tonnadan astam astyq bastyryldy, bul – jalpy egin kóleminiń 30%-y.
Oljas Bektenov eksport geografııasynyń aıtarlyqtaı keńeıgenin atap ótti, al jetkiziletin ónimderdiń edáýir úlesi joǵary qosylǵan qunǵa ıe. Áleýmettik salada Úkimet azamattardy qoldaý jónindegi sharalar keshenin iske asyrýda. Kómektiń ataýlylyǵyn arttyrý úshin resýrstardy shyn máninde kómekke muqtaj jandarǵa baǵyttaýǵa múmkindik beretin biryńǵaı tsıfrlyq platforma quryldy.
Elimizde bilim berý mekemeleriniń qurylysy men jańǵyrtý jumystary belsendi júrgizilip jatyr. «Keleshek mektepteri» jobasy aıasynda 310 myń orynǵa arnalǵan 160 mektep boı kóterdi. Prezıdent jarııalaǵan Jumysshy mamandyqtary jylyna sáıkes kásiporyndardyń suranystary boıynsha oqıtyn stýdentter sany úsh esege, TjKB jan basyna shaqqandaǵy normatıvtik qarjylandyrý eki esege kóbeıdi. Bul rette bes jyl ishinde jataqhanalardaǵy oryn tapshylyǵy 61 myńnan 17 myńǵa deıin qysqardy.
Densaýlyq saqtaý salasynda osy jyldyń birinshi jartyjyldyǵynda jalpy ólim-jitim kórsetkishi 3%-ǵa, náreste ólimi 22,7%-ǵa tómendedi. Halyqtyń ómir súrý uzaqtyǵy alǵash ret 75 jyl 4 aıǵa jetti.
— «Aýylda densaýlyq saqtaýdy jańǵyrtý» ulttyq jobasy aıasynda óńirlerde 655 medıtsınalyq nysannyń 540-y salyndy. Bul ortalyqtar shamamen 1 mln aýyl turǵynyn medıtsınalyq qyzmettermen qamtıdy, — dep atap ótti Oljas Bektenov.
Premer-mınıstr Úkimet jumysynyń basym baǵyttarynyń biri — óńirlerdiń damýyndaǵy dısproportsııalardy joıý ekenin atap ótti. Memleket basshysynyń tapsyrmasyna sáıkes, bıyl halyqty 100% paıyz aýyz sýmen qamtamasyz etý jobalary aıaqtalatyn bolady. Olardy júzege asyrýǵa respýblıkalyq bıýdjetten 147 mlrd teńge jáne Arnaýly memlekettik qordan 160 mlrd teńgeden astam qarajat bólindi. Jumystar 17 qala men 463 aýyldy qamtıdy.
Úkimet aldyna qoıǵan basym mindetteriniń biri– energetıkany damytý. «Tarıfti ınvestıtsııaǵa aıyrbastaý» baǵdarlamasy jańǵyrtýdyń mańyzdy quralyna aınaldy. Eki jyl ishinde 12 myń shaqyrymnan astam ınjenerlik jelilerdi jóndeýge 600 mlrd teńgeden astam ınvestıtsııa tartyldy. Bul jelilerdiń tozýyn orta eseppen 6,2%-ǵa paıyzǵa tómendetýge múmkindik berdi.
Kólik salasynda bıyl 13 myń shaqyrym jol qurylys-jóndeý jumystarymen qamtyldy, temirjol salasynda «Dostyq — Moıynty» ýchaskesiniń ekinshi joldarynyń qurylysy aıaqtaldy, bul joba ótkizý qabiletin 5 ese arttyrýǵa múmkindik beredi.
Tsıfrlandyrý salasynda tájirıbelik paıdalanýǵa Ulttyq jasandy ıntellekt platformasy engizildi. Prezıdenttiń tapsyrmasy boıynsha Ortalyq Azııadaǵy alǵashqy sýperkompıýterlik klaster iske qosyldy, ol óńirdegi eń qýatty esepteýish júıe bolyp sanalady. Ekonomıkanyń barlyq salalaryn tsıfrlandyrý boıynsha aýqymdy jumys júrgizilýde. IT qyzmetteriniń eksporty 2021 jyly $30 mln-nan 2024 jyly $700 mln-ǵa deıin ósti.
Budan bólek, Úkimet «Taza Qazaqstan» Prezıdenttik bastamasyn júzege asyrý boıynsha belsendi jumys júrgizýde. Qozǵalys 10 mln-nan astam azamatty biriktirdi: 383 myń tonnadan astam qaldyqtar jınaldy, 825 myń gektar aýmaq tazartyldy, 2,4 mln aǵash otyrǵyzyldy.
Sondaı-aq Memleket basshysy jarııalaǵan «Zań men tártip» tujyrymdamasyn is júzinde júzege asyrý boıynsha jumystar júrgizilýde. Nashaqorlyqtyń saldarymen ǵana emes, sondaı-aq onyń sebepterimen kúresýge baǵyttalǵan úsh jyldyq kezeńge arnalǵan nashaqorlyqpen jáne esirtki bıznesimen kúres jónindegi jańa keshendi jospar ázirlenýde.
Oljas Bektenov Prezıdenttiń Joldaýlary men saılaýaldy baǵdarlamasyn júzege asyrý boıynsha jumystar dáıekti júrgizilip jatqanyn jáne el damýynyń negizgi baǵyttaryn qamtıtynyn atap ótti.
— Jalpyulttyq jospardyń barlyq is-sharalary josparly túrde júzege asyrylýda jáne Úkimettiń baqylaýynda. Biz Parlamentpen tyǵyz yntymaqtastyqta qoıylǵan mindetterdi oryndaý boıynsha jumysty jalǵastyramyz. Bizdiń ortaq maqsatymyz — odan ári turaqty damýdy qamtamasyz etý, — dep atap ótti Premer-mınıstr.
AMANAT partııasynyń tóraǵasy Erlan Qoshanov Májilis pen Úkimettiń mundaı kezdesýleri «Kúshti Prezıdent — yqpaldy Parlament — esep beretin Úkimet» qaǵıdatyn is júzinde júzege asyrýdy qamtamasyz ete otyryp, naqty nátıje beretinin atap ótti.
— Úkimet pen Parlamenttiń úılesimdi jumysy — tıimdi memlekettik saıasattyń negizi. Sebebi bizdiń maqsatymyz — eldiń órkendeýi, halyqtyń ómir súrý sapasyn jaqsartý. Bul úshin Prezıdenttiń saılaýaldy baǵdarlamasynda jáne Joldaýlarynda kórsetilgen tapsyrmalar ýaqtyly oryndalýy tıis. Tek birlesip áreket ete otyryp, biz naqty nátıjelerge qol jetkizemiz, — dep sózin túıindedi partııa tóraǵasy.
Aıta ketelik ınvestorlardyń quqyǵyn qorǵaý arhıtektýrasy kúsheıtildi.